170 ரன்கள் குவிப்பு
க்ருணால் பாண்ட்யா 42 ரன்கள் குவித்து ஆட்டமிழந்தார். பாண்ட்யா 25, பொலார்ட் 17 ரன்களை கடைசி கட்டத்தில் அதிரடியாக குவிக்க மும்பை இந்தியன்ஸ் 170 ரன்களை கடந்தது. சென்னை தரப்பில் ப்ராவோ, சஹார், ஜடேஜா, தாஹிர், மோஹித் ஷர்மா தலா ஒரு விக்கெட்டை கைப்பற்றினர்.
அம்பத்தி ராயுடு டக்
இதையடுத்து, சென்னை அணி பெருத்த எதிர்பார்ப்புடன் களம் கண்டது. தொடக்கத்திலே அந்த அணிக்கு அதிர்ச்சி. அம்பத்தி ராயுடு டக் அவுட்டாகி வெளியேறினார்.
வாட்சன், ரெய்னா காலி
அவரை தொடர்ந்து வாட்சனும் 5 ரன்களில் மலிங்கா பந்தில் ஆட்டமிழந்தார். இதையடுத்து, 3வது விக்கெட்டுக்கு ரெய்னாவும், ஜாதவும் கைகோர்த்தனர். பெரிதும் எதிர்பார்க்கப்பட்ட சின்ன தல ரெய்னா, பொல்லார்டின் அற்புத கேட்சால் 16 ரன்களில் ஆட்டமிழந்தார்.
தோனி ஆட்டமிழப்பு
அவரையடுத்து, பலத்த ஆரவாரங்களுடன் களத்துக்கு வந்தார் தல தோனி. ஜாதவும், அவரும் அணிக்கு ஓரளவு நம்பிக்கை அளித்தனர். ஆனால், அது நீண்ட நேரம் நிலைக்கவில்லை. ஸ்கோர் 87 ஆக இருந்த போது தோனி வெளியேற சென்னை ரசிகர்கள் ஷாக்.
58 ரன்கள்
அதற்கு பிறகு... வந்த ஜடேஜா ஒரே ரன்னில் நடையை கட்ட.. கிட்டத்தட்ட சென்னை அணியின் தோல்வி உறுதியாகிவிட்டது என்றே சொல்லலாம். மறு முனையில் மல்லுக்கட்டிக் கொண்டிருந்த ஜாதவ் 58 ரன்களில் மலிங்கா பந்தில் வீழ்ந்தார்.
பிராவோவும் வீழ்ந்தார்
இறுதிக்கட்ட ஓவர்களில் எப்படியாவது ஜெயிக்க வேண்டும் என்ற கோணத்தில் சென்னை அணி வீரர்கள் அடித்து ஆட முற்பட்டனர். வந்த வேகத்தில் சிக்சர் அடித்த பிராவோ.. அடுத்த பந்தில் டி காக்கிடம் கேட்ச் கொடுத்தார். இந்த முறை அவரது விக்கெட்டை சாய்த்தது மலிங்கா.
மும்பை வெற்றி
ஒரு வழியாக... 20 ஓவர்களில் சென்னை அணி 8 விக்கெட்டுகளை இழந்து 133 ரன்கள் மட்டுமே எடுத்தது. இதையடுத்து, மும்பை அணி 37 ரன்கள் வித்தியாசத்தில் சென்னையை சாய்த்து, அதன் தொடர் வெற்றிக்கு முற்றுப் புள்ளி வைத்தது.