வெகு விரைவில் அதிரடி
இருவரும் பந்துகளை பவுண்டரிகளாகவும், சிக்சர்களாகவும் பறக்க விட்டனர். இருவரின் அதிரடியால் வெகு விரைவில் அணியின் ஸ்கோர் 50 ரன்களை கடந்தது. அதிரடியாக ஆடிய ரோகித் 28 ரன்களில் வெளியேறினார்.
ஒரு ஓவர், 2 விக்கெட்டுகள்
7வது ஓவரில் அவர் ஆட்டமிழந்தார். அதே ஓவரின் 4வது பந்தில் டி காக்கும் ஆட்டமிழந்தார். 7வது ஓவர் பெங்களூரு அணிக்கு திருப்புமுனையான ஓவர் என்று கூட சொல்லலாம்.
விக்கெட்டுகளால் திணறல்
3வது விக்கெட்டுக்கு ஜோடி சேர்ந்த இஷன் கிஷனும் 21 ரன்களில் அவுட்டானார். நிதானமாக ஆடிய சூர்யகுமார் யாதவ், 29 ரன்களில் ஆட்டமிழந்தார். ஒரு கட்டத்தில் அதிரடியாக ஆடி.. விக்கெட்டுகளை இழந்ததால் மும்பை அணி தடுமாறியது.
கணிக்க முடியாத நிலை
16 ஓவர்கள் முடிவில் 134 ரன்களுக்கு 4 விக்கெட்டுகளை இழந்திருந்தது மும்பை. 4 ஓவர்களில் 42 ரன்கள் எடுக்க வேண்டும் என்ற நிலைக்கு தள்ளப்பட்டது. இதனால் யார் வெற்றி பெறுவார் என்று உறுதியாக கணிக்க முடியாத நிலை உருவானது.
பாண்டியா அவுட்
5வது விக்கெட்டுக்கு பாண்டியா சகோதரர்கள் கை கோர்த்தனர். இருவரும் கிடைக்கிற பந்துகளை பவுண்டரிக்கு விரட்டினர். 18வது ஓவரில் குருணல் பாண்டியா வெளியேற பெங்களூரு அணி குஷியானது.
மும்பை வெற்றி
ஆனால்... அந்த சந்தோஷம் நீண்ட நேரம் நீடிக்கவில்லை. அடுத்த வீரராக பொல்லார்டு களம் இறங்கினார். அவருக்கு எந்த வாய்ப்பையும் வழங்காத பாண்டியா, 19வது ஓவரிலேயே வெற்றி இலக்கை எட்டினார். அந்த ஓவரில் 2 சிக்சர்கள், 2 பவுண்டரிகள் என 22 ரன்கள் வர... 5 விக்கெட் வித்தியாசத்தில் பெங்களூருவை வீழ்த்தியது மும்பை.