பெங்களூரை ஆளப்போறான் தமிழன்.. முருகன் அஸ்வினை அரோகரா போட்டு அள்ளிய கோஹ்லி!

முருகன்

தமிழகத்தில் இருந்து கலக்குகின்ற இன்னொரு அஸ்வின் இவர்தான். 27 வயது நிரம்பிய இவர் சிறந்த ஆல்ரவுண்டர். இவரது பவுலிங் ஸ்டைலை இந்திய அணியில் இருக்கும் முன்னாள் வீரர்கள் பலர் அடிக்கடி பாராட்டி இருக்கிறார்கள். இப்போது இருக்கும் யூத் வீரர்களில் இவரும் லைம் லைட்டில் இருக்கிறார்.

வரலாறு

இவர் ஐபிஎல் போட்டியில் இதுவரை பல அணிகளுக்காக ஆடி இருக்கிறார். முதலில் டெல்லி அணிக்காக ஆடினார். அதன்பின் டோணி தலைமையில் புனே அணிக்காக ஆடினார். தமிழ்நாடு ரஞ்சி அணிக்காகவும் ஆடி இருக்கிறார்.

ஏலம்

இவரை எடுக்க பெங்களூர் அணியும் பஞ்சாப் அணியும் மோதிக் கொண்டது. கடைசியில் பெங்களூர் அணி இவரை 2.20 கோடி கொடுத்து எடுத்துள்ளது. இவருடைய குறைந்தபட்ச தொகை 20 லட்சம் ஆகும்.

கண்டுகொள்ளாத சென்னை

இவரை சென்னை அணி எடுக்கும் என்று கணிக்கப்பட்டது. ஆனால் இவரை சென்னை அணி கண்டுகொள்ளவேயில்லை. இதனால் சென்னை அணியில் இளம் வீரர்களே எடுக்கப்படமாட்டார்களா என்ற சர்ச்சை எழுந்து இருக்கிறது.