இப்ப எங்களைப் பார்த்தா பயம் வருதா? முடிஞ்சா தொட்டுப் பாரு.. 400+ அடித்து வெஸ்ட் இண்டீஸ் மெர்சல்!!

ஸ்ட்ரைக் ரேட்

நியூசிலாந்து அணிக்கு எதிரான பயிற்சிப் போட்டியில் வெஸ்ட் இண்டீஸ் அணியின் ஒன்பது பேட்ஸ்மேன்கள் 20+ ரன்கள் எடுத்தனர். ஒன்பது பேட்ஸ்மேன்களின் ஸ்ட்ரைக் ரேட் 100க்கும் மேல். முதலில் பேட்டிங் செய்த அந்த அணி 421 ரன்கள் குவித்து நியூசிலாந்து அணியை மிரட்டியது.

முதலில் நிதானம்

முதல் ஐந்து பேட்ஸ்மேன்கள் கொஞ்சம் நிதானமாகத்தான் ஆடினார்கள். கிறிஸ் கெயில் 36, ஈவின் லீவிஸ் 50, ஷாய் ஹோப் 101, டேரன் பிராவோ 25, ஹெட்மையர் 27 ரன்கள் எடுத்தனர். அதாவது இவர்கள் ஆடிக் கொண்டு இருக்கும் போது ஓவருக்கு 7+ ரன்களை எடுத்து வந்தது வெஸ்ட் இண்டீஸ். அதுதான் அவர்களது நிதான ஆட்டம்!!

400+ ஸ்கோர்

அதன் பின், கேப்டன் ஜேசன் ஹோல்டர் 47 மற்றும் அதிரடி மன்னன் ஆண்ட்ரே ரஸ்ஸல் 54 இன்னும் அதிரடியை கூட்ட, வெஸ்ட் இண்டீஸ் அணி 400 ரன்களை தாண்டியது. 49.2 ஓவர்களில் அனைத்து விக்கெட்களையும் இழந்து 421 ரன்கள் எடுத்தது.

நியூசிலாந்து தோல்வி

நியூசிலாந்து அணி மிகவும் போராடி 50 ஓவர்களில் 330 ரன்கள் மட்டுமே எடுத்து 91 ரன்கள் வித்தியாசத்தில் தோல்வி அடைந்தது. இதன் மூலம், உலகக்கோப்பை தொடரில் வெஸ்ட் இண்டீஸ் அணி ஆழமாக ஒரு செய்தியை கூறி உள்ளது.

ஐபிஎல்-ஆக மாறுமா?

பேட்டிங்கில் அதிரடியாகத்தான் ஆடுவோம். முடிந்தால் தடுத்து நிறுத்திக் கொள்ளுங்கள் என மற்ற அணிகளுக்கு எச்சரிக்கை விடுத்துள்ளது. வெஸ்ட் இண்டீஸ் அணி ஆடும் உலகக்கோப்பை போட்டிகள், ரசிகர்களுக்கு மற்றொரு ஐபிஎல் தொடராக இருக்கப் போகிறது.