கோலி அல்ல, என் வாழ்க்கையை காப்பாற்ற இவர் தான் பேட்டிங் செய்யனும்.. ஜடேஜா கருத்து

மும்பை: ரவீந்திர ஜடேஜா தனது வாழ்நாளின் முக்கியமான தருணத்தில் தனக்காக பேட் செய்ய களமிறங்கும் ஒரு பேட்ஸ்மேனாக முன்னாள் இந்திய கேப்டன் தோனியை தேர்வு செய்துள்ளார். மேலும், சச்சின் டெண்டுல்கரிடம் இருந்து தனது டெஸ்ட் தொப்பியைப் பெற்றதே தனது வாழ்க்கையின் மிகவும் மறக்க முடியாத தருணம் என்றும் அவர் நினைவு கூர்ந்துள்ளார்.

ஐபிஎல் 2008 இல் ராஜஸ்தான் ராயல்ஸ் அணிக்காக விளையாடிய பிறகு, பிப்ரவரி 2009 இல் ரவீந்திர ஜடேஜா இந்திய அணிக்காக சர்வதேச போட்டிகளில் அறிமுகமானார். அன்று முதல், மூன்று வகை கிரிக்கெட்டிலும் இந்திய அணிக்காக விளையாடிய , 17 ஆண்டுகளுக்கும் மேலாக ஒரு சிறந்த சர்வதேச கிரிக்கெட் வாழ்க்கையை அவர் கொண்டுள்ளார்.

தனது நீண்டகால கிரிக்கெட் பயணத்தில் சச்சின் டெண்டுல்கர், ராகுல் டிராவிட், தோனி, விராட் கோலி, ரோஹித் சர்மா, வீரேந்தர் சேவாக் மற்றும் வி.வி.எஸ். லக்ஷ்மண் போன்ற பல தலைசிறந்த வீரர்களுடன் ஜடேஜா விளையாடியுள்ளார். மேலும், ஐபிஎல் தொடரில் ஷேன் வார்னே, ஷேன் வாட்சன், பிரெண்டன் மெக்கல்லம், மைக்கேல் ஹஸ்ஸி, பென் ஸ்டோக்ஸ், மஹேல ஜெயவர்தனே மற்றும் பாஃப் டு பிளெசிஸ் ஆகியோருடனும் அவர் களம் கண்டுள்ளார்.

முடிவுக்கு வந்தது முகமது ஷமி கிரிக்கெட் வாழ்க்கை.. பிசிசிஐ தேர்வுக்குழு எடுத்த அதிரடி முடிவு

சமீபத்தில் ராஜஸ்தான் ராயல்ஸ் தனது சமூக ஊடக பக்கங்களில் பகிர்ந்த வீடியோ ஒன்றில், ஜடேஜாவிடம் ஒரு சுவாரசியமான கேள்வி கேட்கப்பட்டது. "உங்கள் உயிருக்காக பேட் செய்ய ஒரு பேட்ஸ்மேனை தேர்வு செய்ய வேண்டும் என்றால், யாரைத் தேர்ந்தெடுப்பீர்கள்?" என்ற கேள்விக்கு, யோசிக்காமல் உடனடியாக முன்னாள் கேப்டன் தோனியின் பெயரை அவர் குறிப்பிட்டார்.

தோனியின் தலைமையின் கீழ் ஜடேஜா இந்தியாவிற்காக 100-க்கும் மேற்பட்ட சர்வதேச போட்டிகளிலும், சென்னை சூப்பர் கிங்ஸ் அணிக்காக 100-க்கும் மேற்பட்ட ஐபிஎல் போட்டிகளிலும் விளையாடியுள்ளார். இவர்கள் இருவரும் மைதானத்திற்கு வெளியேயும் நெருங்கிய நட்பைக் கொண்டுள்ளனர். ஐபிஎல் 2022 தொடங்குவதற்கு முன்பு சிஎஸ்கே அணியின் கேப்டனாகப் பொறுப்பேற்பதற்கு முன்னதாக, சில சீசன்களுக்கு தோனியின் துணை கேப்டனாகவும் ஜடேஜா பணியாற்றினார் என்பது குறிப்பிடத்தக்கது.

ICC Rankings: 230 இடங்கள் முன்னேறிய வைபவ் சூர்யவன்ஷி.. முதலிடம் பிடித்த சுப்மன் கில்

இந்திய கிரிக்கெட்டில் தனக்குப் பிடித்தமான நினைவை பற்றிப் பேசிய ஜடேஜா, சச்சின் டெண்டுல்கரிடமிருந்து தனது முதல் டெஸ்ட் தொப்பியைப் பெற்றதை நினைவு கூர்ந்தார். 2012 டிசம்பர் 13 அன்று நாக்பூரில் உள்ள விதர்பா கிரிக்கெட் சங்க மைதானத்தில் இங்கிலாந்துக்கு எதிராக ஜடேஜா தனது டெஸ்ட் அறிமுகத்தை மேற்கொண்டார். அந்தப் போட்டியில், முதல் இன்னிங்ஸில் இரண்டு விக்கெட்டுகளையும், இரண்டாவது இன்னிங்ஸில் ஒரு விக்கெட்டையும் வீழ்த்திய அவர், பேட்டிங்கில் 12 ரன்களையும் எடுத்தார்.