மருத்துவமனையில் ஜடேஜா அனுமதி.. டி20 உலககோப்பை அணியிலிருந்து விலகல்.. பிசிசிஐ மாற்று ஏற்பாடு

அறுவை சிகிச்சை

இதற்கு அறுவை சிகிச்சை செய்தால் மட்டுமே குணப்படுத்த முடியும் என்பதால், அவருக்கு மருத்துவ நிபுணர்கள் அதனை மேற்கொண்டனர்.இதிலிருந்து குணமடைந்து மீண்டும் களத்திற்கு திரும்ப, சுமார் 3 மாதம் காலமாகும் என்பதால். அவர் அக்டோபர் மாதம் தொடங்கும் டி20 உலகக் கோப்பை தொடரில் விலகுவது உறுதியாகிவிட்டது.

ஜடேஜா நன்றி

இது தொடர்பாக இன்ஸ்டாகிராமில் பதிவிட்டுள்ள ஜடேஜா, தமக்கு அறுவை சிகிச்சை வெற்றிக்கரமாக முடிந்துவிட்டதாக குறிப்பிட்டுள்ளார். மருத்துவமனையில் இருக்கும் புகைப்படத்தை வெளியிட்டுள்ள ஜடேஜா, எனக்கு அறுவை சிகிச்சை செய்ய காரணமாக இருந்த பிசிசிஐ, மருத்துவர்கள் ஆகியோருக்கு நன்றி தெரிவித்துள்ளார். மேலும், உடல் தகுதியை மீட்கும் முயற்சியில் ஈடுபட்டு, விரைவில் களத்திற்கு திரும்புவேன் என்று கூறியுள்ளார்.

அறுவை சிகிச்சை

இந்த நிலையில், ஜடேஜாவுக்கு கால் மூட்டில் 2 பெரிய அறுவை சிகிச்சை செய்ய வேண்டும். இதனை செய்தால் அவர் 6 மாதத்திற்கு கிரிக்கெட் விளையாட முடியாது. இதனால், தற்போது, சிறிய அளவிலான தற்காலிக நிவாரணத்துக்கு தான் அறுவை சிகிச்சை செய்யப்பட்டுள்ளதாக கூறப்படுகிறது. இதனால் ஜடேஜா 6 வாரக்காலத்தில் உடல் தகுதியை எட்டுவார் என்றும் கூறப்படுகிறது.

பிசிசிஐ ஏற்பாடு

இதனிடையே, செப்டம்பர் 15ஆம் தேதிக்குள் டி20 உலகக் கோப்பைக்கான இந்திய அணியை அறிவிக்க வேண்டும். இதனால், ஜடேஜாவை ரிசர்வ் வீரராக அறிவித்து, உடல் தகுதியை எட்டிய உடன் மெயின் அணிக்கு கொண்டு செல்ல ஒரு பிளானும், மெயின் அணியிலேயே அறிவித்து, அதன் பிறகு உடல் தகுதியை பெறவில்லை என்றால் ரிசர்வ் வீரராக அறிவிக்கப்பட்ட அக்சர் பட்டேலை தேர்வு செய்யும் ஒரு பிளானையும் பிசிசிஐ வகுத்துள்ளது,