ரிஷப் பண்ட் நீக்கம்.. டெஸ்ட் அணியில் விக்கெட் கீப்பராக வாய்ப்பு பெறப் போகும் அடுத்த வீரர் இவர்தான்!

மும்பை: இந்திய டெஸ்ட் அணியின் முதன்மை விக்கெட் கீப்பர் பேட்டரான ரிஷப் பண்ட், நியூசிலாந்து ஏ அணிக்கு எதிரான 3-வது அதிகாரப்பூர்வமற்ற டெஸ்ட் போட்டியில் விளையாட மாட்டார் என்பது உறுதியாகியுள்ளது. காயத்திலிருந்து மீண்டு தீவிரப் பயிற்சியைத் தொடங்கியுள்ள அவரை, அவசரமாக அவரை களமிறக்க இந்திய அணி நிர்வாகம் விரும்பவில்லை.

கடந்த அக்டோபர் மாதம் ஸ்ரீநகரில் நடைபெற்ற இரானி கோப்பை போட்டியில் ரெஸ்ட் ஆஃப் இந்தியா அணிக்காக ஆடியபோது ரிஷப் பண்ட் காயமடைந்தார். இதனால் நியூசிலாந்து ஏ அணிக்கு எதிரான முதல் 2 நான்கு நாள் போட்டிகளில் அவர் பங்கேற்கவில்லை. நியூசிலாந்துக்கு எதிரான முதன்மை டெஸ்ட் தொடர் தொடங்குவதற்கு முன், நவம்பர் 7 முதல் 10 வரை லிங்கனில் நடைபெறும் 3-வது போட்டியில் பண்ட் ஆடி தனது உடற்தகுதியை நிரூபிப்பார் என எதிர்பார்க்கப்பட்டது. ஆனால் அந்தப் போட்டியிலும் அவர் ஆட மாட்டார் எனத் தெரிவிக்கப்பட்டுள்ளது.

தற்போது பெங்களூருவில் உள்ள தேசிய கிரிக்கெட் அகாடமியில் பண்ட் தனது பேட்டிங் மற்றும் விக்கெட் கீப்பிங் பயிற்சிகளை மீண்டும் தொடங்கியுள்ளார். அவருக்கு உடலில் வலி எதுவும் இல்லை என்றாலும், அடுத்தடுத்து 3 முதல் 4 கடுமையான பயிற்சி அமர்வுகளை முடித்த பிறகே அவர் சர்வதேச போட்டிக்கு முழுமையாகத் தயாரா என்பது தெரியவரும். அவரது உடற்தகுதி குறித்த இறுதி அறிக்கைக்குப் பின்னரே களம் திரும்புவதற்கான தேதி முடிவாகும்.

ஹோட்டலுக்கு வெளியே நள்ளிரவில் பாட்டுச் சத்தம்.. ஜன்னலை எட்டிப்பார்த்து மிரண்டுபோன அபிஷேக், வைபவ்

இதனால் நவம்பர் 19 அன்று வெலிங்டனில் தொடங்கும் நியூசிலாந்துக்கு எதிரான முதல் டெஸ்ட் போட்டியில் ரிஷப் பண்ட் நேரடியாகக் களமிறங்குவாரா என்ற சந்தேகம் எழுந்துள்ளது. மற்றொரு விக்கெட் கீப்பரான துருவ் ஜூரல், கிறைஸ்ட்சர்ச்சில் நடைபெற்று வரும் 2-வது அதிகாரப்பூர்வமற்ற டெஸ்டில் அபார சதம் விளாசி தனது இடத்தை கெட்டியாக பிடித்துக் கொண்டுள்ளார். இதனால் முதல் டெஸ்டில் பண்ட்டுக்குப் பதிலாக ஜூரலுக்கு ஆடும் லெவனில் வாய்ப்பு கிடைக்க அதிக வாய்ப்புள்ளதாகத் தெரிகிறது.