Click it and Unblock the Notifications
டி20 தொடரில் கோலிக்கு ஓய்வு
வெஸ்ட் இண்டீஸ் டி20 தொடர் மற்றும் ஆஸ்திரேலியா டி20 மற்றும் டெஸ்ட் தொடர்களுக்கான இந்திய அணி அக்டோபர் 26 அன்று அறிவிக்கப்பட்டது. அதில் வெஸ்ட் இண்டீஸ் அணிக்கு எதிரான 3 போட்டிகள் கொண்ட டி20 தொடருக்கு ரோஹித் சர்மா கேப்டனாக அறிவிக்கப்பட்டுள்ளார். கோலிக்கு ஓய்வு அளிக்கப்பட்டு உள்ளது. ஆஸ்திரேலியாவில் நடக்க உள்ள டி20 தொடருக்கு கோலி கேப்டன் பதவி வகிப்பார் என கூறப்பட்டுள்ளது.
மூன்றாவது டி20 தொடர்
இது ரோஹித் சர்மாவுக்கு கிடைக்கும் மூன்றாவது டி20 தொடருக்கான கேப்டன் வாய்ப்பு. முதல் இரண்டு முறையும் கேப்டனாக தொடரை வென்று கொடுத்த ரோஹித், மூன்றாவது டி20 தொடரையும் வெல்வார் என எதிர்பார்க்கலாம். அதே சமயம், வெஸ்ட் இண்டீஸ் அணி டி20யில் சவாலான அணி என்பதையும் நினைவில் கொள்ள வேண்டும்.
அழுத்தம் காரணம்
ரோஹித் சர்மா கடந்த 2016க்கு பின் நான்கு டெஸ்ட் போட்டியில் மட்டுமே ஆடியுள்ளார். கடைசியாக இந்த ஆண்டு ஜனவரி மாதத்தில் தென்னாபிரிக்கா அணிக்கு எதிரான டெஸ்டில் ஆடி இருந்தார். ஒருநாள் போட்டிகளில் தொடர்ந்து கலக்கி வரும் ரோஹித் சர்மாவை டெஸ்ட் அணியில் ஏன் சேர்க்கவில்லை என்ற அழுத்தத்தின் காரணமாக அவரை தற்போது அணியில் இணைத்துள்ளனர். எனினும், அவரை துவக்க வீரராக களமிறக்க மாட்டார்கள் என தெரிகிறது.
இந்திய டி20 அணி - வெஸ்ட் இண்டீஸ் டி20 தொடர்
வெஸ்ட் இண்டீஸ் டி20 தொடருக்கான இந்திய அணி - ரோஹித் சர்மா (கேப்டன்), ஷிகர் தவான், ராகுல், தினேஷ் கார்த்திக், மனிஷ் பாண்டே, ஸ்ரேயாஸ் ஐயர், ரிஷப் பண்ட் (விக்கெட் கீப்பர்), க்ருனால் பண்டியா, வாஷிங்டன் சுந்தர், சாஹல், குல்தீப் யாதவ், புவனேஸ்வர் குமார், ஜஸ்ப்ரிட் பும்ரா, கலீல் அஹ்மது, உமேஷ் யாதவ், ஷாபாஸ் நதீம்
