தொலைக்காட்சியில் அறிமுகமாகிறார் ரோகித் சர்மா.. ஓய்வு பேச்சுக்கு நடுவில் ஷோ நடத்துகிறார்

மும்பை: இந்திய கிரிக்கெட் அணியின் முன்னாள் கேப்டன் ரோஹித் சர்மா, பொழுதுபோக்கு துறையில் கால்பதித்து தனது புதிய இன்னிங்ஸைத் தொடங்க உள்ளார். அவர் செப்டம்பர் மாதம் சோனி என்டர்டெய்ன்மென்ட் டெலிவிஷன் மற்றும் சோனி லிவ் ஓடிடி தளத்தில் ஒளிபரப்பாகும் தனது சொந்த நிகழ்ச்சியின் மூலம் தொலைக்காட்சியில் அறிமுகமாகிறார். இதற்கான டீசரை சோனி நிறுவனம் சமீபத்தில் வெளியிட்டது.

சோனி பிக்சர்ஸ் நெட்வொர்க்ஸ் இந்தியாவின் நிர்வாக இயக்குநரும் தலைமை நிர்வாக அதிகாரியுமான கௌரவ் பானர்ஜி இந்தத் தகவலை உறுதிப்படுத்தியுள்ளார். அவர் அளித்த பேட்டியில், "தற்போது இந்திய அணியில் விளையாடி வரும் நட்சத்திர கிரிக்கெட் வீரர் ரோஹித் சர்மாவுடன் இணைந்து புதிய நிகழ்ச்சியை அறிவித்துள்ளோம். செப்டம்பர் மாதம் சோனி டிவி மற்றும் சோனி லிவ் தளத்தில் ரோஹித் தனது சொந்த நிகழ்ச்சியைத் தொகுத்து வழங்கத் தொடங்குவார்" என்று தெரிவித்துள்ளார்.

இந்த நிகழ்ச்சி எதைப் பற்றியது என்பது குறித்த விவரங்கள் இன்னும் ரகசியமாக வைக்கப்பட்டுள்ளன. இதனால் இதன் வடிவமைப்பு குறித்து ரசிகர்கள் பல்வேறு ஊகங்களை வெளியிட்டு வருகின்றனர். டீசரில், மைதானத்தில் ஃபீல்டிங் அமைப்பது போல கேமரா குழுவினருக்கு ரோஹித் சர்மா அறிவுறுத்தல்களை வழங்குவது போன்று காட்டப்பட்டுள்ளது.

கடினமான காலக் கட்டத்தில் இருக்கிறார் ரிஷப் பண்ட்.. எப்போதும் எதிர்மறையான செய்தியே வருது- கையிப்

ரோஹித் சர்மாவின் ஒருநாள் போட்டி எதிர்காலம் குறித்த பல்வேறு ஊகங்களுக்கு மத்தியில் இந்த அறிவிப்பு வெளியாகியுள்ளது. 39 வயதான ரோஹித், தற்போது ஒருநாள் போட்டி அமைப்பில் மட்டுமே தொடர்ந்து சர்வதேச அளவில் விளையாடி வருகிறார். கடந்த மாதம் இங்கிலாந்துக்கு எதிரான தொடரில் அவர் விளையாடினார். அந்தத் தொடரின் முதல் இரண்டு போட்டிகளில் அவர் முறையே 11 மற்றும் 26 ரன்கள் மட்டுமே எடுத்தார்.

Also Read

IND vs SL: இந்திய அணியில் 6வது இடத்தில் யார் விளையாடனும்? பிளேயிங் XI குறித்து ஜாபர் பேச்சு

லார்ட்ஸ் மைதானத்தில் நடைபெற்ற இறுதிப் போட்டிக்கு முன்னதாக, அந்தப் போட்டிதான் ரோஹித் சர்மாவின் கடைசி ஒருநாள் போட்டியாக இருக்கும் என்று 'தி இந்தியன் எக்ஸ்பிரஸ்' செய்தி வெளியிட்டிருந்தது. ஆனால், இந்த ஓய்வு குறித்த செய்திகளுக்கு முற்றுப்புள்ளி வைக்கும் விதமாக, லார்ட்ஸ் மைதானத்தில் அதிரடியாக விளையாடிய ரோஹித் சர்மா, 110 பந்துகளில் 138 ரன்கள் குவித்து தனது 34-வது ஒருநாள் சதத்தைப் பதிவு செய்தார்.