200 வது டெஸ்டுடன் சச்சின் ஓய்வெடுக்க மாட்டாராம்... சில்வர் ஜூப்ளி கொண்டாடப் போறாராம்...!

வெஸ்ட் இண்டீஸ் தொடர்

நவம்பர் மாதம் வெஸ்ட்இண்டீசுக்கு எதிரான 2 டெஸ்ட் தொடர் நடக்கிறது. இதில் தெண்டுல்கர் 200-வது டெஸ்டில் விளையாடி புதிய வரலாற்று சாதனை படைப்பார் என்று கூறப்படுகிறது.

200 வது டெஸ்டு போட்டி

200-வது டெஸ்ட் போட்டியோடு தெண்டுல்கர் ஓய்வு பெற வேண்டும் என்ற கருத்து பரவலாக எழுந்துள்ளது. கிரிக்கெட் வாரியமும் இது தொடர்பாக அவரிடம் அறிவுறுத்த இருக்கிறது என ஊடகங்களில் செய்தி வெளியாகின.

25 வது ஆண்டு

ஆனால் சச்சினைப் பொறுத்தவரை 200 டெஸ்ட் போட்டியோட ஓய்வு பெற விரும்பவில்லையாம். சர்வதேச போட்டிகளில் 25-வது ஆண்டை நிறைவு செய்யும் ஆர்வத்தில் உள்ளார்.

பாகிஸ்தானில் துவக்கம்

40 வயதான தெண்டுல்கர் 1989-ம் ஆண்டு நவம்பர் மாதம் பாகிஸ்தானுக்கு எதிரான கராச்சி டெஸ்டில் அறிமுகம் ஆனார். 24 ஆண்டுகளாக விளையாடி வருகிறார். 2014ம் ஆண்டு வரை அதாவது சர்வதேச போட்டியில் 25 ஆண்டுகள் விளையாடி விட்டு ஓய்வு பெறலாம் என்று சச்சின் விரும்புவதாக கூறப்படுகிறது.

நியூசிலாந்து பயணம்

இந்திய அணி 2014ம் ஆண்டு ஜனவரி- பிப்ரவரி மாதங்களில் நியூசிலாந்தில் சுற்றுப்பயணம் செய்து 5 ஒருநாள் போட்டி மற்றும் 2 டெஸ்டில் விளையாடுகிறது. இந்த தொடரில் விளையாடுவதன் மூலம் தனது 25-வது ஆண்டை நிறைவு செய்ய தெண்டுல்கர் விரும்புகிறார்.

கிரிக்கெட் வாரியம்

அதேசமயம் சச்சின் ஓய்வு பெறவேண்டும் என்று கிரிக்கெட் வாரியம் வற்புறுத்தாது என்று வாரிய செயலாளர் சஞ்சய் பட்டேல் தெரிவித்துள்ளார். அதேபோல் எந்த ஒரு வீரரையும் ஓய்வு பெறுமாறு கிரிக்கெட் வாரியம் கட்டாயப் படுத்தவில்லை என்று துணைத் தலைவர் ராஜீவ் சுக்லாவும் விளக்கம் அறிவித்துள்ளார்.