இது அவுட்டா? இல்லையா..? நம்ம சச்சினையே நகம் கடிக்க வைத்த வீடியோ.. இணையத்தில் வைரல்

பெயில்ஸ் விழவில்லை

இன்னும் சொல்லப்போனால், பந்து ஸ்டெம்ப்பில் பட்டு பெயில்ஸ் கீழே விழாத சம்பவங்களை பார்த்திருக்கலாம். ஆனால், இந்த வீடியோவில் பெயில்ஸ் நகர்ந்து ஸ்டெம்பிங் மேலே உட்கார்ந்து கொள்கிறது என்பது தான் விஷயமே.

அவுட் இல்லை

அதாவது, பந்து ஸ்டம்பில் பட்டதும் பெயில்ஸ் கீழே விழுந்தால் ஐசிசி விதிப்படி அது அவுட். பெயில்ஸ் கீழே விழவில்லையெனில் அது அவுட் கிடையாது. ஆனால் இப்படி ஒரு சம்பவம் இப்போது நிகழ்ந்திருக்கிறது.

அம்பயர் தராத அவுட்

கிளப் போட்டி ஒன்றில், பந்து ஸ்டம்பில் அடித்ததும் பெயில்ஸ் நகர்ந்தது. ஆனால் கீழே விழாமல், ஒரேயொரு ஸ்டம்பின் பேலன்ஸில் நின்றது. பெயில்ஸ் கீழே விழாததால் அதற்கு அம்பயர் அவுட் கொடுக்கவில்லை.

சச்சின் கேள்வி

அந்த வீடியோவை தமது நண்பர் பகிர்ந்தார் என்று கூறி, டுவிட்டரில் பகிர்ந்துள்ளார் மாஸ்டர் பிளாஸ்டர் சச்சின் டெண்டுல்கர். அப்போது மைதானத்தில் நீங்கள் அம்பயராக இருந்தால் என்ன தீர்ப்பு கொடுத்திருப்பீர்கள் என்று ஒரு கேள்வியையும் எழுப்பி இருக்கிறார் சச்சின். அந்த வீடியோ தற்போது வைரலாக படுவேகமாக பரவி வருகிறது.