உயிரை காப்பற்றிய போக்குவரத்து போலீசாருக்கு சச்சின் டெண்டுல்கர் நன்றி.. என்ன நடந்தது?

விபத்து

அப்போது தான் தெரிந்தது சச்சின் டெண்டுல்கரின் நெருங்கிய தோழி ஒருவருக்கு பயங்கர விபத்து ஏற்பட்டுள்ளது என்று.. விபத்தில் காயமடைந்த தனது தோழியை அங்கிருந்த போக்குவரத்து காவலர் மீட்டு, மருத்துவமனைக்கு அழைத்து சென்றுள்ளார்.

போலீசார் உதவி

விபத்தில், அவரது முதுகு எலும்பு பாதிக்கப்பட்டதை உணர்ந்த அந்த போக்குவரத்து போலீசார், அதற்கு முதலுதவி அளித்து, அவரை ஆடாமல், அசையாமல் மருத்துவமனைக்கு கொண்டு சென்றுள்ளார். இதனையடுத்து, மருத்துவர்களின் தீவிர சிகிச்சைக்கு பிறகு அந்த பெண் காப்பாற்றப்பட்டார்.

சச்சின் நன்றி

இந்த செய்தியை தனது டிவிட்டர் பக்கத்தில் வெளியிட்டுள்ள சச்சின், தக்க நேரத்தில் உதவிய அந்த போக்குவரத்து காவலரை நேரில் சந்தித்து நன்றி தெரிவித்ததாக கூறினார். இது போன்ற அழகான மனிதர்களால் தான் உலகம் நிறைந்துள்ளதாக குறிப்பிட்ட சச்சின், அவர்களது அயராத பணிக்கு நாம் நன்றி சொல்ல கடமைப்பட்டு இருப்பதாக தெரிவித்தார்.

விதிகளை மதியுங்கள்

நாடு முழுவதும் பணியாற்றும் போக்குவரத்து போலீசாருக்கு நன்றி தெரிவிப்பதாக கூறியுள்ள சச்சின், மக்கள் போக்குவரத்து விதிகளை மதிக்க வேண்டும் என்று கேட்டுகொண்டார். நேரத்தையும், பணத்தையும் மிச்சப்படுத்த சிலர் போக்குவரத்து விதிகளை மீறி குறுக்கு வழியில் சென்று விபத்தில் சிக்குவதாக குறிப்பிட்டுள்ள சச்சின், உயிரை விட பணமும், நேரமும் பெரியது அல்ல என்று குறிப்பிட்டுள்ளார்.