நம்ம சேட்டன் சஞ்சு சாம்சன் - சாருலதா காதல் திருமணம் சக்சஸ்.. வாங்க வாழ்த்துவோம்!

ஐபிஎல் பிரபலம் சஞ்சு சாம்சன்

சஞ்சு சாம்சன் ஐபிஎல் தொடரில் ஆடியதன் மூலம் இந்தியா முழுவதும் பிரபலமான வீரர் ஆவார். கேரள ரஞ்சி அணியில் ஆடி வருகிறார். ஐபிஎல் தொடரிலும் தொடர்ந்து ஆடி வருகிறார்.

சாருலதா யார்?

அவரது மனைவி சாருலதா தற்போது மனித வள மேம்பாடு தொடர்பான மேற்படிப்பு படித்து வருகிறார். இவரது தந்தை கேரளாவின் பிரபல பத்திரிக்கையான மாத்ருபூமியின் தலைமை ஆசிரியர் என்பது குறிப்பிடத்தக்கது.

காதல் கதை

இருவரும் கல்லூரியில் படித்த போது அறிமுகமாகி நண்பர்களாக மாறி உள்ளனர். பின்னர் அது காதலாக மாறி உள்ளது. சுமார் ஐந்து வருட காதலுக்கு பின் கடந்த செப்டம்பர் மாதம் சஞ்சு சாம்சன் தன் நீண்ட நாள் காதலியுடன் திருமணம் நிச்சயம் ஆன செய்தியை அறிவித்தார். அதன் படி இன்று, சனிக்கிழமை திருமணம் நல்லபடியாக நடந்து முடிந்துள்ளது.

சஞ்சு சாம்சனின் கிரிக்கெட் வளர்ச்சி

சஞ்சு சாம்சன் முன்பு டெல்லி டேர்டெவில்ஸ் மற்றும் கொல்கத்தா நைட் ரைடர்ஸ் அணியில் ஆடியுள்ளார். இந்த முறை ராஜஸ்தான் அணியில் இடம் பெற்றுள்ளார். கடந்த 2018 ஐபிஎல் சீசனில் 441 ரன்கள் அடித்து நல்ல பார்மில் இருந்தார். சஞ்சு சாம்சன் இந்திய அணிக்காக ஒரே ஒரு டி20 போட்டியில் ஆடி உள்ளார். 2015இல் நடைபெற்ற ஜிம்பாப்வே அணிக்கு எதிரான டி20 போட்டியில் ஆடியுள்ளார்.