சச்சினை தகாத வார்த்தையில் திட்டினேன்.. ஆனால் அவர் சொன்னதை மறக்க முடியாது.. பாக். வீரர் பேட்டி

சக்லின் முஸ்தாக் அனுபவம்

இந்த நிலையில் அப்போதைய கிரிக்கெட்டில் சிறந்த சுழற் பந்துவீச்சாளராக விளங்கிய சக்லின் முஸ்தாக் சச்சின்யிடம் நிகழ்ந்த ஒரு அனுபவத்தை தற்போது கூறி இருக்கிறார். இந்திய கிரிக்கெட் அணி கனடாவில் 1996 ஆம் ஆண்டு முதல் 1998 ஆம் ஆண்டு வரை 16 ஒரு நாள் போட்டிகளில் பாகிஸ்தானுடன் விளையாடி இருக்கிறது. இந்த காலகட்டத்தில் 1997 ஆம் ஆண்டு நிகழ்ந்த சம்பவம் ஒன்றை தான் தற்போது சக்லின் முஸ்தாக் கூறி இருக்கிறார்.

திட்டினேன்

இதுகுறித்து பேசிய அவர் "எனக்கு சச்சின் உடன் ஒரு சம்பவம் நடந்தது மறக்க முடியாதது. நாங்கள் கனடாவிற்கு கிரிக்கெட் விளையாட சென்றோம். நான் இங்கிலாந்தில் கவுன்டி கிரிக்கெட்டில் சிறப்பாக விளையாடி விட்டு அதே திமிருடன் நான் பந்து வீச வந்து இருந்தேன். சச்சின் ஒரு புத்திசாலித்தனமான கிரிக்கெட் வீரர். நான் முதலில் பந்து வீசும் போது அவருக்கு நெருக்கடி அளிக்கும் வகையில் செயல்பட்டேன். பிறகு அவரை தகாத வார்த்தையில் திட்டினேன்.

பதில் அளித்த சச்சின்

ஆனால் அவர் என் அருகில் வந்து சில வார்த்தைகளை சொன்னார். சக்கி, நீ இப்படி செய்வாய் என்று நான் நினைத்துக் கூட பார்க்கவில்லை. உன்னை பார்ப்பதற்கு அவ்வளவு மோசமான வார்த்தைகளை பயன்படுத்தும் ஆள் மாதிரி தெரியவில்லை. நான் உன்னை மிகவும் நல்லவன் என்று நினைத்தேன். ஆனால் நீ இப்படி செய்வாய் என்று எதிர்பார்க்கவில்லை என்று கூறிவிட்டு சென்றுவிட்டார். அவர் சொன்ன வார்த்தை என்னை மிகவும் பாதித்தது .

சிறப்பான யுத்தி

நாம் தவறு செய்து விட்டோமே என்ற மன வருத்தத்திலே தொடர்ந்து பந்து வீசினேன். இதனை பயன்படுத்திக் கொண்ட சச்சின் பவுண்டரிகளாக விளாசி அசத்தினார். கடைசியில் தான் எனக்கு தெரிந்தது சச்சின் என்னிடம் அவருடைய சிறந்த யுத்தியை பயன்படுத்தி இருக்கிறார். ஒருவரைப் பற்றி நாம் நல்ல கருத்துக்களை கூறிவிட்டால், நாம் அதைப் பற்றி சிந்திப்போம். அவர்களுக்கு எதிராக நாம் ஆக்ரோஷமாக விளையாட மாட்டோம். இதை தான் சச்சின் என்னிடம் பயன்படுத்தினார்.

சிக்க வைத்தார்

நான் சச்சின் மீது மரியாதை செலுத்த தொடங்கி விட்டதால் அவர் பவுண்டரிகளாக அடித்து ரன்கள் சேர்த்தார் .அதன் பிறகு என்னால் அவரை கட்டுப்படுத்தவே முடியவில்லை. போட்டி முடிந்தவுடன் மாலையில் நான் சச்சினை சந்தித்து நீங்கள் புத்திசாலியான வீரர் என்று பாராட்டினேன். அதற்கு அவர் சிரித்தார். பேட்டிங் மூலம் மட்டுமல்லாமல் வார்த்தையின் மூலமும் என்னை சச்சின் சிக்க வைத்தார்.