“அடுத்த ஏ.பி.டிவில்லியர்ஸ் ரெடி!!.. அதுவும் தென்னாப்பிரிக்காவில்”.. வலைவிரிக்கும் ஆர்சிபி? - வீடியோ

டேவல்ட் ப்ரேவிஸ்

இந்த போட்டியில் இந்திய அணி வீரர் யாஷ் துல் உடைய 82 ரன்கள் மற்றும் விக்கி ஒஸ்ட்வாலின் 5 விக்கெட்டுகள் இந்திய அணியின் வெற்றிக்கு முக்கிய காரணமாக இருந்தது. ஆனால் இந்தியாவை விட தென்னாப்பிரிக்காவின் இளம் வீரர் டேவல்ட் ப்ரேவிஸ் என்பவர் ஒட்டுமொத்த ரசிகர்களையும் கவர்ந்துள்ளார். இதற்கு காரணம் ஏ.பி.டிவில்லியர்ஸ் தான்.

குட்டி ஏபி டிவில்லியர்ஸ்

தென்னாப்பிரிக்கா அணி அடுத்தடுத்து விக்கெட்டுகளை இழந்து தவித்த போது அதிரடி அரைசதம் அடித்து காப்பாற்றினார் டேவல்ட் ப்ரேவிஸ். ஆனால் அவரின் ஷாட்கள் மற்றும் சிக்ஸர்கள் அடித்த விதம், முன்னாள் வீரர் ஏ.பி.டிவில்லியர்ஸை நினைவுப்படுத்தியது. குறிப்பாக சிக்ஸர் அடிப்பதற்கு முன்பு டிவில்லியர்ஸ் தனது இடதுகாலை முன்பு பகுதிக்கு நகற்றுவார். அதனை அச்சு அசலாக அப்படியே செய்திருந்தார் ப்ரேவிஸ்.

வைரல் வீடியோ

முதலில் நிதானமாக விளையாடிய அவர், அதன்பின்னர் ருத்ர தாண்டவம் ஆடினார். இதனால் 99 பந்துகளில் 65 ரன்கள் சேர்த்தார் இதில் 6 பவுண்டரிகள் மற்றும் 2 சிக்ஸர்கள் அடங்கும். ப்ரேவிஸ் அரைசதமடித்த பிறகு, சக அணி வீரர்களே, அவருக்காக "குட்டி ஏ.பி.டிவில்லியர்ஸ் " என பலகையில் எழுதி காண்பித்தனர். இதுகுறித்த வீடியோக்கள் இணையத்தில் வைரலாகி வருகின்றன.

ஐபிஎல் மெகா ஏலம்

இது ஒருபுறம் இருக்க, ப்ரேவிஸ் சிக்ஸர் அடிக்கும் பழைய வீடியோக்களையும் ரசிகர்கள் டிவில்லியர்ஸ் பேட்டிங்குடன் ஒப்பிட்டு இணையத்தில் பதிவிட்டு வருகின்றனர். இதனால் வரும் ஐபிஎல் மெகா ஏலத்தில் அவரையும் களமிறக்க பல அணிகள் முயற்சி மேற்கொள்ளும் எனத் தெரிகிறது.