இந்திய வீரர்களுக்கு ஆஸி.யில் வழங்கப்படும் உணவு.. அட்டகாச காட்சியை வெளியிட்ட ரோகித்.. சான்சே இல்ல

இயற்கை காட்சி

இந்திய அணி தங்கி இருக்கும் ஹோட்டலில் இருந்து வெளியே பார்த்தால் பெர்த் நகரின் அழகிய தோற்றம் தெரிகிறது. காண்போரை கவர செய்யும் காட்சியை இந்திய கிரிக்கெட் அணியின் கேப்டன் ரோகித் சர்மா தனது இன்ஸ்டாகிராம் பக்கத்தில் பதிவிட்டுள்ளார். இந்திய அணி இங்கு தான் வரும் 15ஆம் தேதி வரை தங்க உள்ளது.

சிறப்பு வசதிகள்

இந்த ஹோட்டலில் ஜிம் வசதி , நீச்சல் குளம் வசதி ,போட்டி குறித்து ஆலோசனை செய்வதற்கான கூடம், மினி திரையரங்கம், ஸ்னூக்கர் விளையாடும் வசதி உள்ளிட்ட பல்வேறு வசதிகள் செய்யப்பட்டுள்ளது. இந்த நிலையில் இந்திய வீரர்களுக்காக சைவம் மற்றும் அசைவ வகை உணவுகளை தயாரிக்க ஹோட்டல் நிர்வாகம் சிறப்பு ஏற்பாடு செய்துள்ளது.

உணவு பட்டியல்

அதன்படி சுண்டல்,தானிய வகை உணவுகள் மற்றும் ஆட்டு இறைச்சி அடங்கிய உணவு பட்டியல் தயார் செய்யப்பட்டுள்ளது. ஆஸ்திரேலியாவில் உள்ள சிறந்த இந்திய சமையல் வல்லுநர் இந்திய அணியின் உணவு வகையை செய்ய உள்ளார். இந்திய கிரிக்கெட் அணி நிர்வாகம் வீரர்கள் ஒவ்வொருவருக்கும் ஒரு டயட் பட்டியலை வழங்கி இருக்கிறது. அதனை ஹோட்டல் நிர்வாகம் செய்ய உள்ளது.

ரசிகர்களுக்காக இந்திய உணவு

இதனிடையே இந்திய அணி வரும் பத்தாம் தேதி மற்றும் பன்னிரண்டாம் தேதி பெர்த் மைதானத்தில் வெஸ்டர்ன் ஆஸ்திரேலியா அணியுடன் பயிற்சி ஆட்டத்தில் மோதுகிறது. இந்தப் போட்டியை காண ரசிகர்களுக்கு அனுமதி வழங்கப்பட்டிருக்கிறது. இந்திய ரசிகர்கள் நிறைய பேர் வருவார்கள் என்பதால் அவர்களை கவர சமோசா,சுண்டல், பிரெஞ்ச் ப்ரைஸ் உள்ளிட்ட உணவு பொருட்கள் மைதானத்தில் விற்கப்பட உள்ளதாக அறிவிக்கப்பட்டுள்ளது.