2015 உலகக் கோப்பை கிரிக்கெட் போட்டிக்கு அயர்லாந்து தகுதி!

துபை: உலகக் கோப்பை லீக் சாம்பியன்ஸிப் போட்டியில் நெதர்லாந்தை வீழ்த்திய அயர்லாந்து அணி 2015ஆம் ஆண்டு உலகக் கோப்பை கிரிக்கெட் போட்டிக்கு தகுதி பெற்றுள்ளது.

2015ஆம் ஆண்டு உலகக் கோப்பை கிரிக்கெட் போட்டியை ஆஸ்திரேலியாவும் நியூசிலாந்தும் இணைந்து நடத்துகின்றன. அயர்லாந்து 3வது முறையாக உலகக் கோப்பை கிரிக்கெட் போட்டிகளில் பங்கேற்க இருக்கிறது.

நெதர்லாந்துக்கு எதிராக நேற்று ஆம்ஸ்டெர்டாமில் நடைபெற்ற போட்டியில் அபாரமாக விளையாடியது அயர்லாந்து. அந்த அணியின் ஜோய்சி 96 ரன்கள் எடுத்து அவுட் ஆகாமல் இருந்தார். இப்போட்டியில் கூடுதல் புள்ளிகளைப் பெற்றதன் அந்த அணி உலகக் கோப்பை கிரிக்கெட் போட்டிக்கு தகுதி பெற்றுள்ளது.

உலகக் கோப்பை டி 20 போட்டிகளில் கடந்த சில ஆண்டுகளாக அயர்லாந்து இடம்பிடித்து வந்தது குறிப்பிடத்தக்கது.