சச்சினின் மனதை பாதித்த மாற்றுத்திறனாளி சிறுவனின் கிரிக்கெட் வீடியோ.. அவர் சொன்ன வார்த்தை!

நம்பிக்கை வாழ்த்து

என்றைக்கும் இளைஞர்களின் நம்பிக்கை நட்சத்திரமாகவும் வழிகாட்டியாகவும் இருக்கும் சச்சின் டெண்டுல்கர்,மாற்றுத்திறனாளி சிறுவன் கிரிக்கெட் விளையாடும் வீடியோ ஒன்றை தனது டுவிட்டர் பக்கத்தில் பதிவிட்டு 2020ம் ஆண்டுக்கான புத்தாண்டு வாழ்த்தை தெரிவித்துள்ளார்.

உங்களை உருக்கும்

சச்சின் ட்விட்டரில் வீடியோவுடன் வெளியிட்டுள்ள பதிவில், இந்த குழந்தை மடா ராம் தனது நண்பர்களுடன் கிரிக்கெட் விளையாடும் உத்வேகம் தரும் வீடியோவுடன் உங்கள் 2020 ஐத் தொடங்குங்கள். இது என் மனதை உருக்கியது, உங்களையும் உருக்கும் என்று நான் நம்புகிறேன் என்று பதிவிட்டுள்ளார்.

சச்சினின் வார்த்தைகள்

அந்த வீடியோடிவில் மாற்றுத்திறனாளி சிறுவன் பந்தை அடித்துவிட்டு ரன்னுக்காக அதி வேகமாக தாவி தாவி செல்கிறான். இந்த வீடியோ ஏற்கனவே பல ஆயிரம் பேரை கவர்ந்த நிலையில் சச்சின் வார்த்தைகளோடு வந்த பிறகு உலகம் முழுவதும் மிகப்பெரிய வைரலாகி வருகிறது.

பலரும் பாராட்டு

ஊனம் என்பது தடையல்ல. அதை பொருட்டாக நினைக்காமல் விளையாடும் அந்த சிறுவனின் தன்னம்பிக்கை பலரையும் ஆச்சர்யப்பட வைத்துள்ளது. நம்மால் முடியும் என்று நினைத்தால் தடைகள் உடைபடும். எதுவும் இங்கு தடையாக இருக்காது என்பதற்கு அந்த சிறுவன் உதாரணம் என்று சச்சினுடன் சேர்ந்து பலரும் பாராட்டி வருகிறார்கள்