Click it and Unblock the Notifications
ஆச்சரிய சாதனைகள் நடக்கும் டி10
டி10 எனப்படும் ஒரு அணியின் இன்னிங்க்ஸுக்கு 10 ஓவர்கள் மட்டுமே கொண்ட கிரிக்கெட் தொடர் ஐக்கிய அரபு நாட்டில் இரண்டாவது ஆண்டாக நடைபெற்று வருகிறது. பல பிரபல கிரிக்கெட் வீரர்கள் பங்கேற்றுள்ள இந்த தொடரில் குறைந்த ஓவர்கள் என்பதால் பல ஆச்சரிய சாதனைகள் நடந்து வருகிறது.
பெங்கால் டைகர்ஸ் அட்டகாசம்
பெங்கால் டைகர்ஸ், நார்தர்ன் வாரியர்ஸ் ஆடிய போட்டியில் முதலில் பேட்டிங் ஆடிய பெங்கால் டைகர்ஸ் 10 ஓவர்களில் 130 ரன்கள் குவித்தது. அந்த அணியில் ஜேசன் ராய் 29 பந்துகளில் 60 ரன்களும், ரூதர்போர்டு 21 பந்துகளில் 47 ரன்களும் எடுத்தனர்.
நார்தர்ன் வாரியர்ஸ்-இன் கடின நிலை
அடுத்து ஆடிய நார்தர்ன் வாரியர்ஸ் அணி 7.5 ஓவர்கள் முடிவில் 81 ரன்கள் எடுத்து இருந்தது. அப்போதே அந்த அணி வெற்றி பெறுவது கடினம் என்ற சூழ்நிலை இருந்தது. எனினும், அந்த அணியின் பேட்ஸ்மேன்கள் அதிரடியாக ஆட முடிவு செய்தனர்.
வரிசையாக 5 பந்தில் 5 விக்கெட்கள்
அதன் விளைவாக அடுத்த ஐந்து பந்துகளில் 5 விக்கெட்கள் விழுந்தது. 7.6வது ஓவரில் நிக்கோலஸ் பூரன், அலி கானின் பந்தில் ஆட்டமிழந்தார். அடுத்து அமீர் யாமின் பந்து வீச வந்தார். அவர் பந்துவீச்சில் அந்த ஓவரின் முதல் நான்கு பந்துகளில் நான்கு விக்கெட்கள் விழுந்தன. சைமண்ட்ஸ், ரோவ்மன் போவெல், ரவி போப்பரா, ஹார்டஸ் வில்ஜோன் ஆகிய நால்வரும் வரிசையாக ஆட்டமிழந்தனர்.
16 பந்துகளில் 74 ரன்கள் அதிரடி
நார்தர்ன் வாரியர்ஸ் அணி 10 ஓவர்கள் முடிவில் 94 ரன்கள் மட்டுமே எடுத்து 36 ரன்கள் வித்தியாசத்தில் தோல்வி அடைந்தனர். இதே தொடரின் முதல் போட்டியில் ஆப்கன் வீரர் ஷாசாத் அதிரடியாக 16 பந்துகளில் 74 ரன்கள் குவித்து கிரிக்கெட் உலகை திக்குமுக்காட வைத்தார். அதை பற்றி படிக்க இங்கே கிளிக் செய்யவும்.
என்னய்யா இது? நாலே ஓவர்ல மேட்ச் முடிஞ்சுருச்சு!? 16 பந்தில் 74 ரன்கள் எடுத்த வீரர்
Continue with Google