டி20 உலககோப்பை 2026: சிறந்த அணியை அறிவித்த ஐசிசி.. 4 இந்திய வீரர்கள், 1 பாக். வீரருக்கு இடம்

மும்டிப: 2026 ஐசிசி டி20 உலக கோப்பை தொடர் வெற்றிகரமாக நிறைவடைந்த நிலையில், இந்த ஆண்டுக்கான சிறந்த அணியை ஐசிசி அறிவித்துள்ளது. வெஸ்ட் இண்டீஸ் ஜாம்பவான் இயன் பிஷப், இங்கிலாந்து முன்னாள் கேப்டன் இயன் மோர்கன், வர்ணனையாளர் நடாலி ஜெர்மானோஸ், ஐசிசி பிரதிநிதி கவுரவ் சாக்சேனா மற்றும் இலங்கை செய்தியாளர் ரெக்ஸ் கிளமென்டைன் ஆகியோர் அடங்கிய தேர்வுக் குழு இதைத் தேர்ந்தெடுத்தது.

இந்த அணியின் தொடக்க வீரராக பாகிஸ்தானின் சாகிப்சாதா ஃபர்ஹான், 7 போட்டிகளில் 383 ரன்கள் எடுத்தார். இரண்டு சதங்கள் விளாசி, இத்தொடரில் அதிக ரன்கள் குவித்த வீரரானார். சராசரி 76.60; ஸ்ட்ரைக் ரேட் 160.25.

இந்தியாவின் தொடரின் சிறந்த வீரரான சஞ்சு சாம்சன் 5 போட்டிகளில் 321 ரன்கள் எடுத்தார். அரை இறுதி, இறுதிப் போட்டிகளில் தலா 89 ரன்கள் எடுத்து இந்தியாவிற்கு பலம் சேர்த்தார். சராசரி 80.25; ஸ்ட்ரைக் ரேட் 199.37. இந்த அணியின் விக்கெட் கீப்பராகவும் அவர் செயல்பட்டுள்ளார்.

இந்திய அணியின் டி20 உலகக்கோப்பை வெற்றி கொண்டாட்டப் பேரணி எப்போது? RCB வைத்த ஆப்பால் பிசிசிஐ கலக்கம்

3வது இடத்தில், மற்றொரு இந்திய வீரரான இஷான் கிஷன், 9 போட்டிகளில் 317 ரன்கள் எடுத்து இந்தியாவிற்கு அதிரடி தொடக்கங்களை வழங்கினார். பாகிஸ்தானுக்கு எதிராக 77, இறுதிப் போட்டியில் 54 ரன்கள் எடுத்தார். சராசரி 35.22; ஸ்ட்ரைக் ரேட் 193.29.

4வது இடத்திற்கு தென்னாப்பிரிக்க கேப்டன் எய்டன் மார்க்ரம், 8 போட்டிகளில் 286 ரன்கள் எடுத்து, அணியை சிறப்பாக வழிநடத்தினார். மூன்று அரை சதங்களுடன் அணியை அரை இறுதிப் போட்டி வரை கொண்டு சென்றார். சராசரி 47.66; ஸ்ட்ரைக் ரேட் 165.31.

5வது இடத்திற்கு இந்திய ஆல்-ரவுண்டர் ஹர்திக் பாண்டியா, 9 போட்டிகளில் 217 ரன்கள் எடுத்தார். இரண்டு அரை சதங்கள் மற்றும் 9 விக்கெட்டுகளையும் கைப்பற்றி, பேட்டிங், பந்துவீச்சு இரண்டிலும் முத்திரை பதித்தார். ஸ்ட்ரைக் ரேட் 160.74. 6வது இடத்திற்கு இங்கிலாந்தின் ஆல்-ரவுண்டர் வில் ஜாக்ஸ், 8 போட்டிகளில் 226 ரன்கள் குவித்து, பினிஷராகச் சிறந்து விளங்கினார். ஸ்ட்ரைக் ரேட் 176.56. ஆஃப்-ஸ்பின் பந்துவீச்சின் மூலம் 9 முக்கியமான விக்கெட்டுகளையும் வீழ்த்தினார்.

7வது வீரராக வெஸ்ட் இண்டீஸின் ஜேசன் ஹோல்டர், 7 போட்டிகளில் 10 விக்கெட்டுகளை கைப்பற்றினார். கட்டுப்பாடான வேகப்பந்துவீச்சோடு, பேட்டிங்கிலும் 141 ரன்கள் குவித்து, கீழ் வரிசையில் மதிப்புமிக்க பங்களிப்பை வழங்கினார். 8வது இடத்திற்கு இந்திய வேகப்பந்துவீச்சாளர் ஜஸ்பிரித் பும்ரா, 8 போட்டிகளில் 14 விக்கெட்டுகளை வீழ்த்தி, அதிக விக்கெட் எடுத்தவர்களில் ஒருவர். இறுதிப் போட்டியில் 15 ரன்களுக்கு 4 விக்கெட்டுகள் வீழ்த்தி முக்கிய பங்காற்றினார். சராசரி 12.42; எக்கானமி 6.21.

9வது வீரராக தென்னாப்பிரிக்காவின் லுங்கி ங்கிடி, 7 போட்டிகளில் 12 விக்கெட்டுகளை வீழ்த்தி, தனது மாறுபட்ட பந்துவீச்சால் தாக்கத்தை ஏற்படுத்தினார். சராசரி 15.58; எக்கானமி 7.19. பேட்டிங்கிற்கு சாதகமான ஆடுகளங்களிலும்கூட ரன்களைக் கட்டுப்படுத்தினார்.10வது வீரராக இங்கிலாந்தின் முன்னணி சுழற்பந்துவீச்சாளர் அடில் ரஷித், 8 போட்டிகளில் 13 விக்கெட்டுகளை வீழ்த்தினார். சராசரி 19.23; எக்கானமி 8.15. சூப்பர் 8 சுற்றில், அவரது லெக்-ஸ்பின் பந்துவீச்சால் முக்கியமான பார்ட்னர்ஷிப்களை உடைத்தார்.

இந்திய அணி உண்மையான சாம்பியன் போல் விளையாடியது.. பாகிஸ்தான் வீரர் சையது அப்ரிடி பாராட்டு

11வது இடத்திற்கு ஜிம்பாப்வேயின் பிளெசிங் முசரபானி, 6 போட்டிகளில் 13 விக்கெட்டுகளை வீழ்த்தி, அணியின் ஓட்டத்திற்கு தலைமை தாங்கினார். ஆஸ்திரேலியாவுக்கு எதிராக 17 ரன்களுக்கு 4 விக்கெட்டுகள் வீழ்த்தினார். சராசரி 14.46; எக்கானமி 7.88. அமெரிக்காவின் ஷாட்லி வான் ஷால்க்விக், 12வது வீரராகத் தேர்ந்தெடுக்கப்பட்டார். 4 போட்டிகளில் 13 விக்கெட்டுகளை வீழ்த்தி, குழுச் சுற்றில் நிலைத்தன்மையுடன் விளையாடினார். இந்தியா, பாகிஸ்தான் அணிகளுக்கு எதிராக தலா நான்கு விக்கெட்டுகள் வீழ்த்தினார். சராசரி 7.76; எக்கானமி 6.80.