Click it and Unblock the Notifications
தொடக்கமே சறுக்கல்
ஓப்பனிங் வீரர்கள் டிராவிஸ் ஹெட் மற்றும் உஸ்மான் கவாஜா ஆகியோர் மிகவும் நிதானமாக தொடங்கி, பின்னர் சீரான வேகத்தில் 61 ரன்கள் பார்ட்னர்ஷிப் அமைத்தனர்.நீண்ட நேரம் போராடி ஹெட்டை 32 ரன்களுக்கு வெளியேற்றினார் அஸ்வின். இதன் பின்னர் வந்த மார்னஸ் லபுசாக்னே 3 ரன்களும், கேப்டன் ஸ்டீவ் ஸ்மித் 38 ரன்கள், பீட்டர் ஹேண்ட்ஸ்கோம்ப் 17 ரன்களுக்கு வெளியேறியதால் இந்திய ரசிகர்கள் நிம்மதியடைந்தனர்.
அச்சுறுத்திய கவாஜா
ஆனால் நீண்ட நேரம் அந்த மகிழ்ச்சியை நீடிக்க விடவில்லை கேமரூன் கிரீன். ஒருபுறம் அதிரடி நாயகன் கேமரூன் கிரீன் மற்றொரு புறம் தூண் போல செட்டிலாகி நின்ற உஸ்மான் கவாஜா என இருந்ததால் ரன்கள் குவிந்துக்கொண்டே இருந்தன.முந்தைய போட்டிகளை போல இல்லாமல் இந்த முறை பவுலிங்கிற்கு ஏற்ற பிட்ச் ஆக அமையவில்லை. மாறாக பேட்ஸ்மேன்களுக்கு முற்றிலுமாக சாதகமாக இருந்தது.
கவாஜாவின் சதம்
இதனை சரியாக பயன்படுத்திக்கொண்ட உஸ்மான் கவாஜா 251 பந்துகளில் 104 ரன்களை விளாசினார். 2010ம் ஆண்டுக்கு பிறகு இந்திய மண்ணில் சதமடித்த முதல் ஆஸ்திரேலிய ஓப்பனர் என்ற பெருமையை பெற்றார். இன்று வீசப்பட்ட 90 ஓவர்களில் சராசரியாக 40 ஓவர்களை கவாஜா மட்டுமே ஆடினார்.
முதல் நாள் முடிவு
மற்றொருபுறம் கேமரூன் கிரீன் 64 பந்துகளில் 49 ரன்களை அடித்து வலுவாக இருக்கிறார். இதனால் முதல் நாளின் ஆட்ட நேர முடிவில் 4 விக்கெட்கள் இழப்புக்கு 255 ரன்களை குவித்துள்ளனர்.இந்த போட்டியில் கம்பேக் தர வேண்டும் என்றால் நாளைய தினம் இந்தியா வெகு சீக்கிரமாக விக்கெட்களை எடுத்தே தீர வேண்டும்.
Continue with Google