பாகிஸ்தானை முந்திய இந்திய அணி.... அதுவும் வடிவ கிரிக்கெட்டிலுமா??.. ரசிகர்கள் ஆச்சரியம்!

இந்திய அணியின் வெற்றி

இந்நிலையில் இந்த வெற்றியின் மூலம் ஐசிசி புள்ளிப்பட்டியலில் இந்திய அணி புதிய உச்சத்தை எட்டியுள்ளது. இங்கிலாந்துடன் டி20 தொடரை கைப்பற்றிய சூழலில் ஒருநாள் கிரிக்கெட் தொடரிலும் முன்னிலை பெற்றுள்ளது. எனவே ஐசிசி ODI புள்ளிப்பட்டியலில் இந்திய அணி 3வது இடத்திற்கு முன்னேறியுள்ளது.

ஐசிசி புள்ளிப்பட்டியல்

இந்த போட்டிக்கு முன்பு வரை இந்திய அணி 105 புள்ளிகளுடன் 4வது இடத்தில் இருந்தது. பாகிஸ்தான் அணி 106 ரன்களுடன் 3வது இடத்தில் இருந்தது. ஆனால் தற்போது 108 புள்ளிகளை பெற்று பாகிஸ்தானை வீழ்த்தி முன்னேறியுள்ளது இந்திய அணி. இதுமட்டுமல்லாமல் மற்றொரு புதிய ரெக்கார்ட்-ம் உருவாகியுள்ளது.

புதிய சாதனை

ஐசிசி-ன் மூன்று வடிவ கிரிக்கெட் தரவரிசை பட்டியலிலும் டாப் 3 இடங்களில் இருக்கும் ஒரே அணி இந்திய அணி மட்டுமே ஆகும். ஒருநாள் கிரிக்கெட்டில் 3வது இடமும், டெஸ்ட் கிரிக்கெட்டில் 2வது இடத்திலும் உள்ளது. டி20 கிரிக்கெட்டை பொறுத்தவரையில் இந்திய அணி டாப் இடத்தில் உள்ளது.

உலகக்கோப்பை கனவு

வரும் நவம்பர் மாதத்தில் டி20 உலகக்கோப்பை தொடர் வரவுள்ள சூழலில் டி20 போட்டிகளில் இந்திய அணி தொடர் வெற்றிகளை பெற்று வருகிறது. அடுத்ததாக வெஸ்ட் இண்டீஸ் அணியுடன் 5 போட்டிகள் கொண்ட டி20 தொடரில் மோத ஏற்பாடு செய்யப்பட்டுள்ளது. இதிலும் வெற்றி பெற்றுவிட்டால், இந்திய அணி முழுமையாக தயாராகிவிடும்.