கோல்டன் டக்கா ஆகிறீர்கள்? சூர்யகுமார் யாதவ் சோலி முடிந்தது.. பிசிசிஐ எடுக்கப் போகும் அதிரடி முடிவு

மும்பை: இந்திய டி20 அணியின் கேப்டனும், மும்பை இந்தியன்ஸ் அணியின் நட்சத்திர வீரருமான சூர்யகுமார் யாதவ், நடப்பு ஐபிஎல் 2026 தொடரில் தொடர்ந்து ரன் எடுக்க முடியாமல் திணறி வருவது கிரிக்கெட் வட்டாரத்தில் பெரும் விவாதத்தை ஏற்படுத்தியுள்ளது. பஞ்சாப் கிங்ஸ் அணிக்கு எதிரான நேற்றைய போட்டியில், சூர்யகுமார் யாதவ் முதல் பந்திலேயே ஆட்டமிழந்து ரசிகர்களுக்குப் அதிர்ச்சி அளித்தார்.

மும்பை வான்கடே மைதானத்தில் நடைபெற்ற இந்தப் போட்டியில், ரோஹித் சர்மா காயம் காரணமாக விளையாடவில்லை. இதனால் சூர்யகுமார் யாதவ் மீது கூடுதல் எதிர்பார்ப்பு நிலவியது. ஆனால், அர்ஷ்தீப் சிங் வீசிய பந்தை எதிர்கொண்ட சூர்யகுமார், முதல் பந்திலேயே விக்கெட்டை பறிகொடுத்தார். இந்தச் சீசனில் இதுவரை 5 போட்டிகளில் விளையாடியுள்ள அவர், வெறும் 106 ரன்கள் மட்டுமே எடுத்துள்ளார். இதில் இரண்டு முறை மட்டுமே 20 ரன்களைத் தாண்டியுள்ளார் என்பது குறிப்பிடத்தக்கது.

கேப்டன் பதவிக்கு நெருக்கடி

சூர்யகுமார் யாதவின் இந்த மோசமான பேட்டிங் ஃபார்ம், அவரது கேப்டன் பதவிக்கு அச்சுறுத்தலாக மாறியுள்ளது. பிசிசிஐ தற்போது 2028-ம் ஆண்டு லாஸ் ஏஞ்சல்ஸ் நகரில் நடைபெறவுள்ள ஒலிம்பிக் போட்டி மற்றும் டி20 உலகக்கோப்பை தொடருக்கான திட்டங்களைத் தயார் செய்து வருகிறது. இதில் 'செயல்திறன் அடிப்படையிலான தலைமை' (Performance-linked leadership) என்ற புதிய முறையை அமல்படுத்த பிசிசிஐ ஆலோசித்து வருவதாகத் தெரிகிறது.

அதாவது, ஒரு வீரர் கேப்டனாகச் சிறப்பாகச் செயல்பட்டாலும், ஒரு பேட்டராக அவர் ரன் குவிக்கத் தவறினால் அவரது பதவி பறிக்கப்படலாம். சூர்யகுமார் யாதவ் கேப்டனாக இதுவரை 52 போட்டிகளில் 40 வெற்றிகளைப் பெற்றுத் தந்துள்ளார். அவரது வெற்றி சதவீதம் 80.76% ஆகும். இது ரோஹித் சர்மாவின் சாதனையை விட (79.33%) அதிகம் என்றாலும், சமீபகாலமாக அவரது பேட்டிங் கவலைக்கிடமாக உள்ளது.

வயது காரணி:

சூர்யகுமார் யாதவ் 2028 ஒலிம்பிக் போட்டியின் போது 38 வயதை நெருங்கியிருப்பார். இதைக் கருத்தில் கொண்டு, அஜித் அகர்கர் தலைமையிலான தேர்வுக் குழுவினர் மாற்று வீரர்களைப் பற்றிச் சிந்திக்கத் தொடங்கியுள்ளனர். 2025-ம் ஆண்டில் அவரது ஸ்ட்ரைக் ரேட் 120-க்கும் கீழே சென்றது. 2026 டி20 உலகக்கோப்பையில் கூட நியூசிலாந்துக்கு எதிரான இறுதிப் போட்டியில் ரன் ஏதும் எடுக்காமல் ஆட்டமிழந்தார்.

அடுத்த வாய்ப்பு:

விரைவில் நடைபெறவுள்ள இங்கிலாந்து மற்றும் அயர்லாந்து சுற்றுப்பயணங்கள் சூர்யகுமார் யாதவுக்கு மிக முக்கியமானவை. தலைமை பயிற்சியாளர் கௌதம் கம்பீரின் ஆதரவு இவருக்கு இருந்தாலும், பேட்டிங்கில் பழையபடி '360 டிகிரி' அதிரடியைக் காட்டினால் மட்டுமே கேப்டன் பதவியைத் தக்கவைக்க முடியும். சூர்யகுமார்வின் 'டக் அவுட்' இந்திய கிரிக்கெட் ரசிகர்களிடையே பெரும் கவலையை உண்டாக்கியுள்ளது. சூர்யகுமார் யாதவ் தனது ஃபார்மை மீட்கத் தவறினால், இந்திய அணியின் கேப்டன் பொறுப்பில் பெரிய மாற்றங்கள் ஏற்பட வாய்ப்புள்ளது.