“வாயை மூடிட்டு**** ”.. ஸ்டூவர்ட் பிராட்டை அசிங்கப்படுத்திய அம்பயர்.. கொஞ்சம் ஓவராதான் இருக்கு!!

சுவாரஸ்ய நிகழ்வுகள்

விராட் கோலி - ஜானி பேர்ஸ்டோ இடையேயான வாக்குவாதம் பெரும் அளவில் பேசப்பட்டது. இந்நிலையில் இந்த வரிசையில் தற்போத் ஸ்டூவர்ட் பிராட் இணைந்துள்ளார். இங்கிலாந்து அணியின் முதல் இன்னிங்ஸ் பேட்டிங்கில் பிராட் வெறும் 5 பந்துகளை தான் சந்தித்தார். ஆனால் இந்த குறுகிய நேரத்தில் அம்பயரிடம் சண்டை போட்டுள்ளார்.

என்ன நடந்தது

ஸ்டூவர்ட்டிற்கு பும்ரா தொடர்ந்து ஷார்ட் பால்களாக வீசினார். அதனை அவர் பவுண்டரிக்கு அடிக்க முயன்று ஏமாற்றமே மிஞ்சியது. இதனால் கடுப்பான பிராட், அம்பயரிடம் வைட் கொடுங்கள், இதனை ஏற்க முடியாது என கோபத்துடன் கூறியுள்ளார். இதற்கு பதிலளித்த அம்பயர் ரிச்சர்ட் கெட்டில்போரஃப், அம்பயரிங்கை நாங்கள் செய்துக்கொள்கிறோம்.. நீங்கள் பேட்டிங் செய்வதை மட்டும் பார்த்தால் போதும்.. புரிந்ததா? எனக்கேட்டார்.

கடுப்பான அம்பயர்

இந்த பதிலுக்கு பிராட் மீண்டும் சத்தமாக பேச, கோபமடைந்த அம்பயர் நீங்கள் பேட்டிங் செய்ய போகவில்லை என்றால் மீண்டும் ஒரு பெரிய பிரச்சினையில் சிக்க நேரிடும். வாயை மூடிக்கொண்டு போய் வேலையை செய்யுங்கள் என திட்டினார். இந்த வீடியோ தற்போது இணையத்தில் பரவி வருகிறது.

சோதனை காலம்

ஸ்டூவர்ட் பிராட்டிற்கு இந்த போட்டி ஒரு மறக்க முடியாத அனுபவமாக மாறியுள்ளது. டெஸ்ட் கிரிக்கெட்டில் தனது 550வது விக்கெட்டை இந்த போட்டியில் தான் எடுத்து பெருமை பெற்றார். ஆனால் டெஸ்ட் கிரிக்கெட்டில் ஒரே ஓவரில் 35 ரன்களை வாரி வழங்கிய வீரர் என்ற விமர்சனத்தையும் சந்தித்தார் என்பது குறிப்பிடத்தக்கது.