டிவிட்டரில் கிண்டலாக திருமண வாழ்த்து கூறிய ரோஹித்துக்கு, ஒரு வாரம் கழித்து கோஹ்லி 'பதிலடி'!

திருமண வாழ்த்து

ரோகித் ஷர்மா கடந்த 12ம் தேதி டிவிட்டரில் அனுஷ்கா, கோஹ்லி தம்பதிக்கு வாழ்த்து தெரிவித்திருந்தார். கணவருக்கான கையேடு தன்னிடம் உள்ளதாகவும், அதை ஷேர் செய்ய தயார் என்றும் கேலியாக குறிப்பிட்டிருந்தார் ரோகித். ஏனெனில் திருமண வாழ்வில் இவர் 2 வருட சீனியர்.

கோஹ்லி பதில்

இதை பார்த்த கோஹ்லி, இன்றுதான் ரிப்ளை செய்துள்ளார். அதில், ஹாஹாஹா, நன்றி ரோகித். அப்படியே, டபுள் செஞ்சுரி கையேட்டையும் எனக்கு ஷேர் செய்யவும் என கூறியுள்ளார். கோஹ்லி இதுவரை ஒருநாள் போட்டியில் டபுள் செஞ்சுரி அடித்தது இல்லை.

சிறப்பான ஆட்டம்

இந்த டிவிட்டுகள், நெட்டிசன்களால் ஷேர் செய்யப்பட்டு வருகிறது. முன்னதாக அனுஷ்கா ஷர்மாவும் ரோகித்துக்கு நன்றி தெரிவித்திருந்தார். சிறப்பான ஆட்டம் என ரோகித்தின் டபுள் செஞ்சுரியை அனுஷ்கா பாராட்டியுள்ளார்.

கோஹ்லி ஹனிமூன்

தென் ஆப்பிரிக்க தொடரில் கோஹ்லி விளையாட உள்ளார். முன்னதாக இப்போது மனைவியுடன் அவர் வெளிநாடு சுற்றுப் பயணங்களில் தேனிலவை செலவிட்டு வருகிறார் என்பது குறிப்பிடத்தக்கது.