12 பந்துகளில் 5 விக்கெட்... 43 ரன்களுக்கு வங்கதேசத்தை சுருட்டி அள்ளிய ரோச்!

Recommended Video

டெல்லி: வங்கதேச அணிக்கு எதிரான முதல் டெஸ்ட் போட்டியின் முதல் இன்னிங்ஸில் அந்த அணியை 43 ரன்களுக்கு வெஸ்ட் இண்டீஸ் சுருட்டியது. வேகப்பந்து வீச்சாளர் கெர்னர் ரோச் 12 பந்துகளில் 5 விக்கெட்களை வீழ்த்தி மிரட்டினார்.

வங்கதேச கிரிக்கெட் அணி வெஸ்ட் இண்டீஸ் சென்றுள்ளது. இரு அணிகளுக்கும் இடையேயான முதல் டெஸ்ட் போட்டி நேற்று துவங்கியது. இதில் டாஸ் வென்ற வெஸ்ட் இண்டீஸ் பவுலிங்கை தேர்வு செய்தது.

அதன்படி முதலில் பேட்டிங் செய்த வங்கதேச அணி, 18.4 ஓவர்களில் அனைத்து விக்கெட் இழப்புக்கு 43 ரன்களுக்கு ஆட்டமிழந்தது. தாஸ் அதிகபட்சமாக 25 ரன்கள் எடுத்தார். 4 பேர் டக் அவுட்டாகினர்.

வெஸ்ட் இண்டீஸ் வேகப்பந்து வீச்சாளர் கெர்னர் ரோச் 5 ஓவர்களில் ஒரு மேடின் வீசினார். 8 ரன்களுக்கு 5 விக்கெட்களை வீழ்த்தினார். 12 பந்துகள் இடைவெளியில் அவர் இந்த 5 விக்கெட்களையும் வீழ்த்தினார்.

டெஸ்ட் போட்டிகளில் வங்கதேசம் அணியின் குறைந்தபட்ச ஸ்கோர் இதுவாகும். 2007ல் இலங்கைக்கு எதிராக 62 ரன்கள் எடுத்திருந்ததே வங்கதேசத்தின் குறைந்தபட்ச ஸ்கோராக இருந்தது.