Click it and Unblock the Notifications
முதல் டெஸ்டில் இல்லை
வெஸ்ட் இண்டீஸ் அணியின் தற்போதைய நல்ல வேகப்பந்துவீச்சாளராக அடையாளம் காணப்படும் கீமர் ரோச் தன் பாட்டி இறந்துவிட்ட காரணத்தால் வெஸ்ட் இண்டீஸ் கிளம்பி சென்றுள்ளார். எனவே, முதல் டெஸ்டில் அவர் ஆட முடியாத நிலை ஏற்பட்டுள்ளது.
வெற்றிடம் ஏற்பட்டுள்ளது
இது பற்றி பேசிய வெஸ்ட் இண்டீஸ் அணியின் பயிற்சியாளர் ஸ்டுவர்ட் லா, "துரதிர்ஷ்டவசமாக கீமர் ரோச் இந்தியாவில் இல்லை. முதல் டெஸ்டின் பாதியில் அவர் அணியில் இணைவார். இரண்டாம் டெஸ்ட் போட்டிக்கு தயாராக இருப்பார். எங்கள் அணியில் ஒரு தலைமை பண்பு கொண்டவர் அவர். அவர் இல்லாதது அணியில் பெரிய வெற்றிடத்தை ஏற்படுத்தியுள்ளது" என கூறினார்
கடைசியாக கலக்கிய கீமர் ரோச்
கடைசியாக கீமர் ரோச் வங்கதேச அணிக்கு எதிராக ஆடிய டெஸ்ட் போட்டியில் 12 பந்துகள் இடைவெளியில் ஐந்து விக்கெட் எடுத்து கலக்கினார். சமீபத்தில் வெஸ்ட் இண்டீஸ் கிரிக்கெட்டில் அனைத்து வித கிரிக்கெட் போட்டிகளுக்குமான ஒப்பந்தத்தை பெற்றார் கீமர் ரோச்.
அனுபவமில்லாத பந்துவீச்சு
கீமர் ரோச் இல்லாத நிலையில் வெஸ்ட் இண்டீஸ் அணியின் வேகப்பந்துவீச்சு கூட்டணியாக கேப்டன் ஜேசன் ஹோல்டர், ஷானன் காப்ரியல், கீமோ பால் மற்றும் ஷேர்மன் லெவிஸ் உள்ளனர். இவர்களில் கீமோ பால் ஒரு டெஸ்ட் போட்டியில் ஆடி இருக்கிறார். ஷேர்மன் லெவிஸ் இனி தான் தன் அறிமுக போட்டியில் ஆட உள்ளார்.
