மிரண்டனர்
இந்தப் போட்டியில் வெஸ்ட் இண்டீஸ் அணி டாஸ் வென்று பந்துவீச்சை தேர்வு செய்தது. இது பேட்டிங் பிட்ச் என்பதால், பாகிஸ்தான் எப்படியும் நன்றாக ஆடும் என்று கருதப்பட்டது. ஆனால், வெஸ்ட் இண்டீஸ் அணியின் வேகப் பந்துவீச்சை கண்டு மிரண்டனர் பாகிஸ்தான் பேட்ஸ்மேன்கள்.
பவுன்சர் தாக்குதல்
துவக்க வீரர் இமாம் உல் ஹக் துவங்கி, கடைசி வீரர் வரை வேகப் பந்துவீச்சில் ஆட்டமிழந்தனர். வெஸ்ட் இண்டீஸ் அணி, பாகிஸ்தான் வீரர்கள் பவுன்சர் பந்தை கண்டால் மிரண்டு போவதை சரியாக கணித்து, தொடர்ந்து ஷார்ட் பந்துகள் மற்றும் பவுன்சர் பந்துகளை வீசி அவர்களை தாக்கினர்.
பேட்டிங் படுமோசம்
அதற்கேற்றார் போல, பாகிஸ்தான் வீரர்களும், வரிசையாக ஆட்டமிழந்தனர். அந்த அணியில் பாக்கர் ஜமான், பாபர் ஆசாம் தலா 22 ரன்கள் எடுத்தனர். அவர்களுக்கு அடுத்து முஹம்மது ஹபீஸ் 16, வஹாப் ரியாஸ் 18 ரன்கள் எடுத்தனர். மற்ற பேட்ஸ்மேன்கள் எல்லோரும் ஒற்றை இலக்க ரன்கள் மட்டுமே எடுத்தனர்.
சிறிய இன்னிங்க்ஸ்
பாகிஸ்தான் அணி உலகக்கோப்பை தொடரில் தன் மிகச் சிறிய இன்னிங்க்ஸ்-ஐ பதிவு செய்தது. வெறும் 21.4 ஓவர்கள் மட்டுமே பேட்டிங் செய்த அந்த அணி 105 ரன்கள் எடுத்தது. இது உலகக்கோப்பை தொடர்களில் இரண்டாவது மிகக் குறைந்த ஸ்கோர்.
விக்கெட் வேட்டை
vவெஸ்ட் இண்டீஸ் அணியின் ரஸ்ஸல் 2, ஹோல்டர் 3, ஓஷேன் தாமஸ் 4, காட்ரேல் 1 விக்கெட் வீழ்த்தினர். இதில் ரஸ்ஸல் 3 ஓவர்கள் வீசி 4 ரன்கள் மட்டுமே கொடுத்திருந்தார். ஒரு மெய்டன் ஓவரும் வீசி அசத்தினார். அவரது பவுன்சர், ஷார்ட் பிட்ச் பந்துகளை சந்திக்கவே தடுமாறியது பாகிஸ்தான் அணி.