திடீரென ஃப்ளைட் ஏறாமல் போன கேப்டன்...குழம்பிய இலங்கை வீரர்கள்.. புதிய அறிவிப்பை வெளியிட்ட நிர்வாகம்

இலங்கை சுற்றுப்பயணம்

இலங்கை கிரிக்கெட் அணி வெஸ்ட் இண்டீசில் சுற்றுப்பயணம் மேற்கொண்டு மூன்று 20 ஓவர், 3 ஒரு நாள் மற்றும் 2 டெஸ்டுகளில் விளையாடவுள்ளது. இலங்கை - வெஸ்ட் இண்டீஸ் இடையிலான முதலாவது 20 ஓவர் போட்டி வருகிற 3-ந்தேதி ஆன்டிகுவாவில் தொடங்குகிறது.

ஷனகா

இலங்கை டி20 அணியின் கேப்டனாக லசித் மலிங்கா செயல்பட்டு வந்தார். ஆனால் கடந்த சில மாதங்களாக அவர் அணி பயிற்சி முகாமில் பங்கேற்காததால் டி20 அணியின் கேப்டனாக தசுன் ஷனகா செயல்படுவார் என அறிவிக்கப்பட்டது. அதன்படி வெஸ்டீஸ் சுற்றுப்பயணத்திற்கு அவர் கேப்டனாக அறிவிக்கப்பட்டார்.

கேப்டன் ஷனகா

2019ம் ஆண்டு பாகிஸ்தானுக்கு சுற்றுப்பயணம் மேற்கொண்ட இலங்கை அணிக்கு தசுன் ஷனகா கேப்டனாக செயல்பட்டார். அதில் டி20 தொடரை 3 - 0 என வெற்றி பெற்றுக்கொடுத்தார். 25 வயதாகும் ஷனகா, இதுவரை 6 டெஸ்ட், 22 ஒரு நாள், மற்றும் 40 டி20 போட்டிகளில் ஆடியுள்ளார்.

மேத்தீவ்ஸ்

வெஸ்ட் இண்டீஸுக்கு இலங்கை அணி விமானம் ஏறும் போது ஷனகா ஏறவில்லை. ஏனெனில் அவர் பாஸ்போர்ட் மற்றும் விசா வை தொலைத்து விட்டார். இதனால் அவசரமாக புதிய விசா ஏற்பாடு செய்ய முடியவில்லை. இதன் காரணமாக டி20 அணிக்கு மேத்தீவ்ஸ் கேப்டனாக அறிவிக்கப்பட்டுள்ளார். விசா பிரச்னை தீர்ந்தவுடன் ஷனகா அணியில் பங்கேற்பார் என தெரிவிக்கப்பட்டுள்ளது.