எந்த இடத்தில வேணும்னாலும் எந்த இடத்தில வேணும்னாலும் இறங்க சொல்லுங்க... நான் தயார்.கெயிலின் ஓபன் டாக்

சுற்றுப்பயணம்

இலங்கை கிரிக்கெட் அணி வெஸ்ட் இண்டீசில் சுற்றுப் பயணம் செய்து டி20, ஒரு நாள் மற்றும் டெஸ்ட் தொடரில் ஆடவுள்ளது. முதல் டி20 மார்ச் 3-ஆம் தேதியும், அடுத்த போட்டி 5ம் தேதியும், கடைசி ஆட்டம் 7-ஆம் தேதியும் நடைபெறவுள்ளன. இந்த 3 ஆட்டங்களுமே ஆன்டிகுவா மைதானத்தில் நடைபெறவுள்ளது.

மீண்டும் கெயில்

இந்தத் தொடரில் விளையாடவுள்ள மேற்கிந்திய தீவுகள் அணியில் 41 வயதான கிறிஸ் கெயில் சேர்க்கப்பட்டுள்ளார். ஐபிஎல், பாகிஸ்தான் சூப்பா் லீக் டி20 தொடர் ஆகியவற்றில் சிறப்பாக ஆடியதன் மூலம் மீண்டும் வெஸ்ட் இண்டீஸ் அணியில் 2 ஆண்டுகளுக்கு பின் இடம்பெற்றுள்ளார். டி20 உலகக்கோப்பைக்கு அந்த அணி தயாராவதால், கெயிலுக்கு உலகக்கோப்பையிலும் வாய்ப்பு வழங்கப்படலாம்.

பொசிஷன்

இது குறித்து பேசியுள்ள கிறிஸ் கெயில், ஐபிஎல் தொடரில் பஞ்சாப் அணியில் கும்ப்ளே என்னிடம் 3வது வீரராக களமிறங்க கூறினார். இதனால் நான் 3வது வீரராக களமிறங்கி சிறப்பாக ஆடுகிறேன். ஸ்பின்னர்களுக்கு எதிராக ஆடுவது எனக்கு எளிது தான். எனவே இலங்கை தொடரில் என்னை எங்கு களமிறக்கினாலும் நான் சிறப்பான ஆட்டத்தை வெளிப்படுத்துவேன்.

நம்பிக்கை

நான் என்னால் முடியும் வரை கிரிக்கெட் ஆடுவேன். எனக்கு இலங்கை தொடருக்காக அழைப்பு வந்த போது, நான் உடனடியாக சரி என்று கூறிவிட்டேன். என் இதயம் அதைதான் தேடுகிறது. நான் அடுத்து வரும் ஐபிஎல், உலகக்கோப்பை டி20 தொடர் என அனைத்திலும் பங்கேற்பேன். மேற்கு இந்திய தீவுகள் அணி இந்த முறை கண்டிப்பாக டி20 தொடரை வெல்லும் என கிறிஸ் கெயில் தெரிவித்தார்.