திணறிய இந்திய மணி
கடந்த ஆட்டத்தில் மலேசியாவுக்கு எதிராக அரைசதம் விளாசிய மேக்னா யுஏஇக்கு எதிரான இன்றைய ஆட்டத்தில் 10 ரன்கள் எடுத்தார். விக்கெட் கீப்பா பேட்டரான ரிச்சா கோஷ் முதல் பந்திலேயே டக் அவுட் ஆனார். தயலான் ஹேமலதா 2 ரன்களில் வெளியேற, இந்திய மகளிர் அணி 20 ரன்கள் சேர்ப்பதற்குள் 3 விக்கெட்டை இழந்து தடுமாறியது.
காப்பாற்றிய தீப்தி -ஜெமிமா
இதனையடுத்து இந்திய அணியின் ஜெமிமா ரொட்ரிகியூஸ் மற்றும் கடந்த ஒரு வாரமாக இங்கிலாந்து நாட்டினரை அலறவிட்ட தீப்தி சர்மாவும் பார்ட்னர்ஷிப் அமைத்த ரன்களை சேர்த்தனர். இந்த ஜோடி 4வது விக்கெட்டுக்கு 128 ரன்களை சேர்த்தது. தீப்தி சர்மா 49 பந்துகளில் 64 ரன்களும், ஜெமிமா 45 பந்துகளில் 75 ரன்களும் எடுத்துள்ளது.
ஒருநாள் போட்டி?
இறுதியில் பூஜா 13 ரன்களும், கிரண் பிரபு 10 ரன்களும் எடுக்க, இந்திய அணி 20 ஓவர் முடிவில் 5 விக்கெட் இழப்பிற்கு 178 ரன்கள் எடுத்துள்ளது. இதனையடுத்து 179 ரன்கள் எடுத்தாஙல் வெற்றி என்ற இலக்குடன் களமிறங்கிய யுஏஇ அணி, இது ஒரு டி20 போட்டி என்பதை மறந்து ஒருநாள் போட்டி போல் விளையாடியது.
இந்தியா வெற்றி
யுஏஇ அணியின் தொடக்க வீராங்கனைகள் தீர்தா சதீஷ் 1 ரன்னிலும், ஈஷா 4 ரன்களிலும். நடாஷா டக் அவுட்டாகியும் வெளியேற அந்த அணி 5 ரன்கள் சேர்ப்பதற்குள் 3 விக்கெட்டுகளை இழந்தது. இதனையடுத்து கவிஷா 54 பந்துகளில் 30 ரன்களும், குஷி சர்மா 50 பந்துகளில் 29 ரன்களும் எடுக்க, 20 ஓவர் முடிவில் யுஏஇ அணி 4 விக்கெட் இழப்பிற்கு 74 ரன்கள் மட்டுமே இழந்து தோல்வியை தழுவியது.