WTC 2027 புள்ளி பட்டியல்: தென்னாப்பிரிக்கா எதிரான டெஸ்ட் தொடர் தோல்வி.. ஆஸ்திரேலிய அணி சரிவு

கேப்டவுன்: தென்னாப்பிரிக்காவுக்கு எதிரான மூன்றாவது டெஸ்ட் போட்டியில் 176 ரன்கள் வித்தியாசத்தில் தோல்வியடைந்ததைத் தொடர்ந்து, உலக டெஸ்ட் சாம்பியன்ஷிப் புள்ளிப் பட்டியலில் ஆஸ்திரேலிய அணி 3-வது இடத்திற்குத் தள்ளப்பட்டுள்ளது. 288 ரன்கள் எடுத்தால் வெற்றி என்ற கடினமான இலக்குடன் 4-வது இன்னிங்ஸை ஆடிய ஆஸ்திரேலிய அணி, மோசமான பேட்டிங்கை வெளிப்படுத்தி 111 ரன்களுக்கு அனைத்து விக்கெட்டுகளையும் இழந்து சுருண்டது.

ககிசோ ரபாடா புதிய பந்தில் விக்கெட்டுகளை வீழ்த்தி நெருக்கடி அளித்தார். சுழற்பந்து வீச்சாளர் சைமன் ஹார்மர் 21.1 ஓவர்களில் 16 ரன்கள் மட்டுமே விட்டுக்கொடுத்து 6 விக்கெட்டுகளைக் கைப்பற்றினார்.பாட் கம்மின்ஸ் தலைமையிலான ஆஸ்திரேலிய அணி தொடர்ச்சியாக மூன்றாவது முறையாக இறுதிப்போட்டிக்கு முன்னேறும் வாய்ப்பிற்கு இந்தத் தோல்வி பெரும் பின்னடைவை ஏற்படுத்தியுள்ளது.

கேப் டவுனில் நடைபெற்ற இந்தத் தொடரின் இறுதிப் போட்டியில் வெற்றி பெற்றதன் மூலம் தென்னாப்பிரிக்க அணி டெஸ்ட் தரவரிசையில் முதலிடத்தைப் பிடித்துள்ளது. மேலும், WTC புள்ளிப் பட்டியலில் 71.43 சதவீதப் புள்ளிகளுடன் தென்னாப்பிரிக்கா இரண்டாவது இடத்திற்கு முன்னேறியுள்ளது.

AUS vs SA: ரபாடா மாபெரும் சாதனை.. ஆஸ்திரேலியாவுக்கு எதிரான 3வது டெஸ்டில் அபாரம்

தொடர் தொடங்குவதற்கு முன்பு 80 சதவீதப் புள்ளிகளுடன் இருந்த ஆஸ்திரேலியா, தற்போது 69.23 சதவீதப் புள்ளிகளுடன் மூன்றாம் இடத்திற்குச் சரிந்துள்ளது. நியூசிலாந்து அணி 72.22 சதவீதப் புள்ளிகளுடன் முதலிடத்தில் நீடிக்கிறது. 51.52 சதவீதப் புள்ளிகளுடன் இந்திய அணி நான்காவது இடத்தில் உள்ளது.

தற்போதைய உலக டெஸ்ட் சாம்பியன்ஷிப் புள்ளிப் பட்டியலில், நியூசிலாந்து அணி 6 போட்டிகளில் 4 வெற்றி, 1 தோல்வி, 1 டிராவுடன் 52 புள்ளிகள் பெற்று 72.22 வெற்றி சதவீதத்துடன் முதலிடத்தில் உள்ளது. தென்னாப்பிரிக்க அணி 7 போட்டிகளில் 5 வெற்றி, 2 தோல்விகளுடன் 71.43 வெற்றி சதவீதத்துடன் இரண்டாவது இடத்திலும், ஆஸ்திரேலிய அணி 13 போட்டிகளில் 9 வெற்றி, 4 தோல்விகளுடன் 69.23வெற்றி சதவீதத்துடன் 3-வது இடத்திலும் உள்ளன. 11 போட்டிகளில் 5 வெற்றி, 4 தோல்வி, 2 டிராவுடன் 68 புள்ளிகள் பெற்றுள்ள இந்திய அணி 51.52 வெற்றி சதவீதத்துடன் 4-வது இடத்தில் நீடிக்கிறது.

இதர அணிகளில், வங்கதேசம் 7 போட்டிகளில் 3 வெற்றி, 3 தோல்வி, 1 டிராவுடன் 47.62 வெற்றி சதவீதத்துடன் 5-வது இடத்திலும், இங்கிலாந்து 16 போட்டிகளில் 7 வெற்றி, 8 தோல்வி, 1 டிராவுடன் 38.54 வெற்றி சதவீதத்துடன் 6-வது இடத்திலும் உள்ளன. இலங்கை அணி 6 போட்டிகளில் 1 வெற்றி, 2 தோல்வி, 3 டிராவுடன் 33.33 வெற்றி சதவீதத்துடன் 7-வது இடத்தில் உள்ளது. கடைசி இடங்களில், 13 போட்டிகளில் 3 வெற்றி, 8 தோல்வி, 2 டிராவுடன் 26.92 வெற்றி சதவீதத்துடன் பெற்ற மேற்கிந்தியத் தீவுகள் 8-வது இடத்திலும், 9 போட்டிகளில் 2 வெற்றி, 7 தோல்விகளுடன் 4.63 வெற்றி சதவீதத்துடன் பாகிஸ்தான் 9-வது இடத்திலும் உள்ளன.

Also Read

AUS vs SA: தென்னாப்பிரிக்கா வரலாற்று சாதனை.. 3வது டெஸ்ட்டில் ஆஸ்திரேலியாவை வீழ்த்தி தொடரை வென்றது

ஆஸ்திரேலிய அணி தனது அடுத்த டெஸ்ட் தொடரில் நியூசிலாந்தை எதிர்கொள்கிறது. 4 போட்டிகள் கொண்ட இந்தத் தொடரின் முதல் போட்டி டிசம்பர் 9 அன்று பெர்த்தில் தொடங்குகிறது. தற்போதைய சாம்பியனான தென்னாப்பிரிக்க அணி, இரண்டு வார இடைவெளிக்குப் பிறகு வங்கதேசத்திற்கு எதிராக இரண்டு போட்டிகள் கொண்ட டெஸ்ட் தொடரைத் தனது சொந்த மண்ணில் விளையாட உள்ளது. இந்திய அணி அடுத்த மாதம் நியூசிலாந்திற்கு எதிராக இரண்டு போட்டிகள் கொண்ட டெஸ்ட் தொடரில் களமிறங்குகிறது.