AUS vs SA: ரபாடா மாபெரும் சாதனை.. ஆஸ்திரேலியாவுக்கு எதிரான 3வது டெஸ்டில் அபாரம்

டர்பன்: சர்வதேச டெஸ்ட் போட்டிகளில் 350 விக்கெட்டுகளை வீழ்த்திய இரண்டாவது வேகமான தென்னாப்பிரிக்க வீரர் என்ற வரலாற்றுச் சாதனையை ககிசோ ரபாடா படைத்துள்ளார். கேப் டவுனில் ஆஸ்திரேலியாவுக்கு எதிராக நடைபெற்ற 3-வது டெஸ்ட் போட்டியில் அவர் இந்த மைல்கல்லை எட்டினார். தனது 75-வது டெஸ்ட் போட்டியில் விளையாடும் ரபாடா, இந்த முக்கிய சாதனையை அடைந்துள்ளார்.

ஆஸ்திரேலியாவுக்கு எதிரான போட்டியின் முதல் இன்னிங்ஸில் ஒரு விக்கெட்டை மட்டுமே வீழ்த்தியிருந்த ரபாடாவுக்கு, 350 விக்கெட்டுகள் என்ற சாதனையை தொட மேலும் 3 விக்கெட்டுகள் தேவைப்பட்டன. இரண்டாவது இன்னிங்ஸின் தொடக்கத்திலேயே அபாரமாக பந்துவீசிய அவர், தனது முதல் 4 ஓவர்களுக்குள் 3 ஆஸ்திரேலிய பேட்டர்களை ஆட்டமிழக்கச் செய்து இந்த சாதனையை நிறைவு செய்தார்.

தென்னாப்பிரிக்கா சார்பில் அதிவேகமாக 350 டெஸ்ட் விக்கெட்டுகளை வீழ்த்திய சாதனையை டேல் ஸ்டெய்ன் கையில் வைத்துள்ளார். இவர் இந்தியாவுக்கு எதிராக டர்பனில் நடைபெற்ற தனது 69-வது போட்டியில் இச்சாதனையை எட்டினார். இப்பட்டியலில் 75 போட்டிகளுடன் ககிசோ ரபாடா இரண்டாவது இடத்தில் உள்ளார்.

IND vs NZ: இந்தியா சேஸ் செய்துவிடலாம் என நினைத்தது.. ஆனால் நியூசிலாந்து ஒரு படி மேல் போய்விட்டது- ராயூடு

இவர்களை தொடர்ந்து, ஷான் பொல்லாக் மற்றும் மக்காஃயா நெட்னி ஆகியோர் அடுத்தடுத்த இடங்களில் உள்ளனர். உலகளவில் டெஸ்ட் போட்டிகளில் அதிவேகமாக 350 விக்கெட்டுகளை வீழ்த்திய வேகப்பந்து வீச்சாளர் என்ற சாதனையை நியூசிலாந்தின் ரிச்சர்ட் ஹாட்லீ மற்றும் தென்னாப்பிரிக்காவின் டேல் ஸ்டெய்ன் ஆகியோர் பகிர்ந்து கொண்டுள்ளனர்.

இவர்கள் இருவருமே 69 போட்டிகளில் இச்சாதனையை எட்டினர். இவர்களுக்கு அடுத்தபடியாக ஆஸ்திரேலியாவின் டென்னிஸ் லீலி 70 போட்டிகளிலும், கிளென் மெக்ராத் 74 போட்டிகளிலும் இச்சாதனையை எட்டியுள்ளனர். ககிசோ ரபாடா 75 போட்டிகளில் இச்சாதனையை எட்டி, மேற்கிந்தியத் தீவுகளின் மால்கம் மார்ஷலுடன் இணைந்து இப்பட்டியலில் அடுத்த இடத்தில் உள்ளார்.

Also Read

IND vs NZ: இந்தியா தோல்வியை பற்றி கவலைப்பட தேவையில்லை.. இந்த 2 வீரர் சேர்த்திருக்கனும்- கார்த்திக்

சுழற்பந்து வீச்சாளர்களையும் சேர்த்து, டெஸ்ட் கிரிக்கெட்டில் அதிவேகமாக 350 விக்கெட்டுகளை வீழ்த்திய உலக சாதனையை இலங்கையின் முத்தையா முரளிதரன் மற்றும் இந்தியாவின் ரவிச்சந்திரன் அஸ்வின் ஆகியோர் வைத்துள்ளனர். இவர்கள் இருவரும் தங்களது 66-வது டெஸ்ட் போட்டியில் இந்த மைல்கல்லை எட்டினர்.