ஜெய்ஸ்வால் அதிரடி சதத்தால் ரோகித் சர்மாவுக்கு ஆபத்து? ஹிட்மேன் எதிர்காலம் குறித்து கில் பரபர கருத்து

சென்னை: இந்திய அணியின் தொடக்க வீரர் யாஷஸ்வி ஜெய்ஸ்வால் தனது கடைசி மூன்று ஒருநாள் போட்டிகளில் இரண்டாவது சதத்தை அடித்துள்ள நிலையில், மூத்த வீரர் ரோஹித் சர்மாவின் எதிர்காலம் குறித்து முடிவு செய்ய வேண்டிய கட்டாயத்தில் தேர்வுக்குழுவினர் உள்ளனர். ஆப்கானிஸ்தானுக்கு எதிரான மூன்றாவது ஒருநாள் போட்டியில் 39 வயதான ரோஹித் தொடக்கத்தில் தடுமாறினாலும், பின்னர் சிறப்பான ஆட்டத்தை வெளிப்படுத்தி 79 ரன்கள் குவித்தார். அத்துடன் யாஷஸ்வி ஜெய்ஸ்வாலுடன் இணைந்து முதல் விக்கெட்டுக்கு 170 ரன்கள் குவித்தார்.

தனது இன்னிங்ஸின் தொடக்கத்தில் ஒரு வாய்ப்பைப் பெற்ற ரோஹித் சர்மா, ஆப்கானிஸ்தான் சுழற்பந்து வீச்சாளர் ரஷித் கானின் பந்துவீச்சை நாலாபுறமும் சிதறடித்தார். இந்த மூன்று போட்டிகள் கொண்ட தொடரில் அவரது ரன்கள் முறையே 16, 48 மற்றும் 79 ஆகும். ஆனால், வரவிருக்கும் இங்கிலாந்து சுற்றுப்பயணத்தில் தனது இடத்தை உறுதி செய்ய இந்த இன்னிங்ஸ்கள் போதுமானதா? ஒருவேளை அவர் தேர்வு செய்யப்பட்டால், தொடர்ந்து சிறப்பான ஃபார்மில் இருக்கும் 24 வயது இளம் வீரரான ஜெய்ஸ்வாலின் நிலை என்னவாகும்? போன்ற பல கேள்விகளுக்கு கில் பதில் அளித்தார்.

தேர்வுக் குழப்பம் குறித்து சுப்மன் கில் விளக்கம்

இது குறித்து பேசிய அவர், "அனைத்து வீரர்களும் சிறப்பாகச் செயல்படும்போது, இது போன்ற ஒரு ஆரோக்கியமான தேர்வுக் குழப்பம் ஏற்படுவது நல்லதுதான். நாளை அல்லது அடுத்த இரண்டு நாட்களில் இங்கிலாந்து சுற்றுப்பயணத்திற்கான இந்திய அணி அறிவிக்கப்படும். அதன் பிறகு, அணி வீரர்களின் பட்டியலைப் பார்த்துவிட்டு, இங்கிலாந்து மண்ணில் களமிறங்குவதற்கான சிறந்த லெவன் அணியைத் தேர்வு செய்வோம்" என்று கில் தெரிவித்தார்.

சிங்கம் போல் சிங்கிளாக நிற்கும் இந்தியா.. ஆப்கானிஸ்தானிடம் தோற்காத உலகில் ஒரே நாடு என பெருமை

அனைத்து வீரர்களும் உடற்தகுதியுடன் இருக்கும் பட்சத்தில் ஜெய்ஸ்வாலுக்கான இடம் என்னவாக இருக்கும் என்று கேட்டபோது, "அனைவரின் உடற்தகுதியும் எப்படி இருக்கிறது என்பதை நாம் பார்க்க வேண்டும். அனைவரும் உடற்தகுதியுடன் இருந்தால், அதன் அடிப்படையில் சிறந்த பிளேயிங் லெவன் அணியை உருவாக்குவோம்" என்றார்.

இருப்பினும், ஜெய்ஸ்வாலை வெகுவாகப் பாராட்டிய கேப்டன் கில், அவருக்கு ஒருநாள் போட்டிகளில் தொடர்ந்து வாய்ப்புகள் கிடைக்காமல் போவது "துரதிர்ஷ்டவசமானது" என்று குறிப்பிட்டார். "அவர் ஒரு அசாத்தியமான திறமை கொண்ட வீரர் என்பது நம் அனைவருக்கும் தெரியும். அனைத்து வீரர்களும் அணியில் இருக்கும்போது, ஒரு சில தருணங்களில் அவர் துரதிர்ஷ்டவசமாக அணியில் இடம் பெறாமல் போகிறார்" என்று கில் கூறினார்.

"இந்தத் தொடரில் விராட் பாய் விளையாடாததால், ஜெய்ஸ்வாலுக்கு சில போட்டிகளில் விளையாடும் வாய்ப்பு கிடைத்தது. இன்றைய போட்டியிலும் அவர் மிக அற்புதமாக விளையாடினார். அவர் இதே ஃபார்மைத் தொடர்ந்து, தனக்குக் கிடைக்கும் வாய்ப்புகளைச் சரியாகப் பயன்படுத்துவார் என்று நம்புகிறேன்" என்றும் அவர் கூறினார்.

போட்டி நிறைவடைந்த பிறகு ஒளிபரப்பாளர்களிடம் பேசிய கில், "பல்வேறு சாதகமான விஷயங்கள் இந்தத் தொடரில் நடந்துள்ளன. நடுப்பகுதி ஓவர்களில் அதிரடி ஆட்டத்தைத் தக்கவைப்பது குறித்து நாங்கள் விவாதித்தோம். பந்துவீச்சில் அந்த ஓவர்களில் விக்கெட்டுகளை எப்படி வீழ்த்துவது மற்றும் பேட்டிங்கில் கூடுதல் ரன்களை எப்படி எடுப்பது என்பது குறித்தும் ஆலோசித்தோம்" என்றார்.

IND vs AFG: இந்தியா பேட்டிங் தொடங்கும் முன்பே நடுவர்கள் தந்த 5 ரன்கள்.. ஜாக்பாட் போனஸ் கிடைத்தது எப்படி

"இங்கிலாந்தில் நிலவும் சூழல், தென்னாப்பிரிக்காவில் நாம் எதிர்கொள்ளும் சூழலுக்கு சற்றே நெருக்கமாக இருக்கும். முற்றிலும் ஒன்றுபோல இருக்காது என்றாலும், ஒரளவுக்கு ஒத்துப்போகும். எனவே, அங்கு அனைத்து வீரர்களும் முழு உடற்தகுதியுடன் களமிறங்கினால், அது ஒரு சிறந்த தொடராக அமையும்" என்று கில் கூறினார்.