2வது 6வது இடங்களில் உள்ள அணிகள்... வெற்றிக்கான தீவிரத்தில் மோஹுன் பகன் & ஜாம்ஷெட்பூர்!

94வது போட்டி

ஐஎஸ்எல் 2020 -21 தொடரின் 94வது போட்டி இன்றைய தினம் ஜாம்ஷெட்பூர் எப்சி மற்றும் எடிகே மோஹுன் பகன் அணிகளுக்கிடையில் கோவாவின் படோர்டா மைதானத்தில் நடைபெறவுள்ளது. இதில் ஜாம்ஷெட்பூர் எப்சி மற்றும் ஏடிகே மோஹுன் பகன் அணிகள் மோதவுள்ளன.

சிறப்பான ஆட்டங்கள்

இரு அணிகளும் கடந்த போட்டிகளில் வெற்றி பெற்றுள்ளன. மோஹுன் பகன் அணி தன்னை எதிர்த்து போட்டியிட்ட பெங்களூரு அணியை 2க்கு 0 என்ற கோல் கணக்கில் வெற்றி பெற்ற நிலையில், ஜாம்ஷெட்பூர் அணி சென்னையின் அணியை 1க்கு 0 என்ற கோல் கணக்கில் வென்றுள்ளது.

2வது இடத்தில் மோஹுன் பகன்

ஏடிகே மோஹுன் பகன் அணி, கடந்த சில போட்டிகளில் சிறப்பாக விளையாடி தற்போது புள்ளிகள் பட்டியலில் இரண்டாவது இடத்தில் வலிமையாக உள்ளது. கடந்த 16 போட்டிகளில் விளையாடி 10 வெற்றிகளை பெற்று 33 புள்ளிகளை இந்த அணி பெற்றுள்ளது.

வெற்றி பெறும் தீவிரம்

இந்நிலையில் ஜாம்ஷெட்பூர் அணியும் இதுவரை விளையாடியுள்ள 17 போட்டிகளில் 5 போட்டிகளில் வென்று 21 புள்ளிகளை பெற்று 6வது இடத்தில் உள்ளது. கடந்த 5 போட்டிகளில் 2 போட்டிகளில் வெற்றி பெற்றுள்ளது. மேலும் ப்ளே -ஆப் சுற்றிற்கு தகுதி பெறும் முனைப்புடன் காணப்படுகிறது. அதனால் இன்றைய போட்டியை ஜாம்ஷெட்பூர் தீவிரமாக எதிர்கொள்ளும் என்று எதிர்பார்க்கலாம். இந்நிலையில் இன்றைய போட்டியை ஸ்டார் ஸ்போர்ட்சில் ரசிகர்கள் கண்டுகளிக்கலாம்.