ஈரானுக்கு எதிராக “போர்” தொடுப்போம்.. மெஸ்ஸி அழைப்பு

ஈரானை அடித்து நொறுக்குவோம்

இதுகுறித்து மெஸ்ஸி கூறுகையில், ஈரானுடன் நடைபெறும் போட்டியில் எங்களது அட்டாக்கை காணத் தயாராகுங்கள். அர்ஜென்டினா வீரர்களும் அதி தீவிரமாக இந்தப் போட்டியில் ஆட வேண்டும்.

நானும் ஹிகுயனும், அகுரோவும் சேர்ந்தால்

நான், ஹிகுயன், செர்ஜியோ அகுரோ ஆகியோர் இணைந்து ஆடும்போது அந்த அட்டாக்கின் தீவிரமே வேறு மாதிரி இருக்கும்.

நாங்க யாருன்னு தெரியும்ல..

நாங்கள் அர்ஜென்டினா வீரர்கள். நாங்கள் எப்படி ஆடுவோம் என்பதை யாரும் மறந்து விடக் கூடாது. யாருடன் மோதுகிறோம் என்பது முக்கியமல்ல. எப்படி ஆடுகிறோம் என்பதுதான் முக்கியமானது.

போஸ்னியா ஆட்டத்தில் சொதப்பியது உண்மைதான்

போஸ்னியாவுடனான ஆட்டத்தின் முதல் பாதியில் நான் சரியாக ஆடவில்லை என்பதை நான் மறுக்க மாட்டேன். அது உண்மைதான் என்றார் அவர்.

ஹிகுயன் வருகிறார்

அர்ஜென்டினா அணியின் முக்கிய வீர்ர்களில் ஒருவரான கான்சாலோ ஹிகுயன் ஈரானுடன் நடைபெறும் போட்டியில் பங்கேற்கவுள்ளார். கடந்த போட்டியில் சப்ஸ்டிடியூட் வீரராக ஹிகுயன் களம் இறக்கப்பட்டு கோல் அடித்தார் என்பது நினைவிருக்கலாம்.

100வது போட்டியில் ஜேவியர்

அதேபோல தனது 100வது போட்டியாக இந்தப் போட்டியில் ஜேவியர் மாஸ்ஹெரானாவும் களம் இறங்குவார் என்று தெரிகிறது.

ஈரானும் சும்மா இல்லை

அதேசமயம் ஈரானைக் குறைத்து மதிப்பிட முடியாது. தனது முதல் போட்டியில் வலிமை வாய்ந்த நைஜீரியாவை 0-0 என்ற கணக்கில் அது டிரா செய்து அசத்தியது குறிப்பிடத்தக்கது.