விராட் கோஹ்லியை மிஞ்சினார்.. ஹாக்கி வீரர் சர்தார் சிங் சூப்பரப்பு!

Recommended Video

டெல்லி: உங்ககிட்ட வேகம் இல்லை என்று இனி இந்திய ஹாக்கி அணியின் முன்னாள் கேப்டன் சர்தார் சிங்கை கூற முடியாது. யோ யோ தகுதியில், கிரிக்கெட் கேப்டன் கோஹ்லியை பின்னுக்கு தள்ளியதுடன், தனது முந்தைய சாதனையையும் முறியடித்தார் சிங்.

18வது ஆசிய விளையாட்டுப் போட்டிகள் இந்தோனேசியாவில் வரும் 18ம் தேதி துவங்குகிறது. இதில் தங்கத்தை தக்க வைக்கும் முனைப்போடு இந்திய ஹாக்கி அணி இந்தோனேசியா புறப்பட்டுள்ளது.

இந்திய ஹாக்கி அணியின் முன்னாள் கேப்டனான 32 வயதாகும் சர்தார் சிங் இந்தப் போட்டிக்கான பயிற்சியின்போது யோ யோ உடல்தகுதி தேர்வில் ஈடுபட்டார்.

உங்களுக்கு வேகம் போதவில்லை என்று முன்னாள் கோச் ஜோயர்ட் மரிஞ்னேவால் ஓரங்கட்டப்பட்டவர் சர்தார் சிங். கடந்த 10 ஆண்டுகளில் முதல் முறையாக இந்திய அணியில் இருந்து விலக்கி வைக்கப்பட்டார்.

அந்த வேகத்தில், தனது வேகத்தை அதிகரிக்கும் பயிற்சியில் மிகத் தீவிரமாக ஈடுபட்டார் சர்தார் சிங். சமீபத்தில் நடத்ப்பட்ட யோ யோ உடல்தகுதி தேர்வில் 21.4 புள்ளிகள் எடுத்தார் சர்தார். இதன் மூலம் தனது முந்தைய சாதனையான 21.3 புள்ளிகளை அவர் முறியடித்தார்.

கிரிக்கெட் வீரர்களுக்கான தகுதி 16.1 புள்ளிகளாகும். கேப்டன் விராட் கோஹ்லி 19 புள்ளிகள் எடுத்துள்ளார். மீண்டும் ஒருமுறை கோஹ்லியை யோ யோ தகுதித் தேர்வில் வென்றுள்ளார் சர்தார்.