தடகள உலகில் தமிழ்நாட்டிலிருந்து உருவான இளம் புயல்.. சாதனைகளை உடைக்கும் நீல் சாம்ராஜ்!

சென்னை: சென்னை ஜவாஹர்லால் நேரு மைதானத்தில் நடைபெற்று வரும் 2026 தேசிய ஜூனியர் தடகள சாம்பியன்ஷிப் போட்டியில், தமிழ்நாட்டைச் சேர்ந்த 17 வயதான ஓட்டப்பந்தய வீரர் நீல் சாம்ராஜ், 18 வயதுக்குட்பட்டோருக்கான தேசிய சாதனைகளை முறியடித்து அசத்தி வருகிறார். ஆடவர் 100 மீட்டர் பிரிவில் புதிய தேசிய சாதனை படைத்ததை தொடர்ந்து, தற்போது 200 மீட்டர் பிரிவிலும் தேசிய சாதனையை முறியடித்து இந்திய தடகள உலகின் கவனத்தை ஈர்த்துள்ளார்.

ஆடவர் U-18 200 மீட்டர் ஓட்டத்தில் நீல் சாம்ராஜ் 21.03 வினாடிகளில் இலக்கை எட்டி புதிய தேசிய சாதனை படைத்தார். இதற்கு முன் அவரது தனிப்பட்ட சிறந்த நேரமாக 21.73 வினாடிகள் இருந்த நிலையில், தற்போது அதை 0.70 வினாடிகள் குறைத்து அபார வளர்ச்சி கண்டுள்ளார். இதன் மூலம் 2023-இல் அபய் சிங் நிறுவிய 21.06 வினாடிகள் என்ற தேசிய சாதனையை நீல் தகர்த்தார். மேலும், பிரதீக் மஹாராணாவின் 21.28 வினாடிகள் என்ற போட்டி சாதனையும் இதன் மூலம் முறியடிக்கப்பட்டுள்ளது.

200 மீட்டர் பிரிவில் சாதனை படைப்பதற்கு முன்பே, நீல் 100 மீட்டர் பிரிவிலும் தனது ஆதிக்கத்தை நிலைநாட்டியிருந்தார். நடப்பு ஜூனியர் தேசிய போட்டியில் 100 மீட்டர் இலக்கை 10.45 வினாடிகளில் கடந்து புதிய தேசிய சாதனையை அவர் படைத்தார். இதற்கு முன்பு இந்த ஆண்டின் தொடக்கத்தில் நடைபெற்ற இந்திய U-18 சாம்பியன்ஷிப்பில் அவர் பதிவு செய்த 10.46 வினாடிகள் என்ற சாதனையை அவரே தற்போது மேம்படுத்தியுள்ளார்.

" width="200" height="113">

தமிழர் நவீன் உட்பட மூவருக்கு தங்கம்.. ஆசிய பாரா விளையாட்டில் 100 பதக்கங்களை கடந்து இந்தியா வரலாறு

100 மீட்டர் பிரிவில் நீல் சாம்ராஜின் மிகச்சிறந்த 5 வேகமான நேரங்களைப் பார்த்தால், 2026 தேசிய ஜூனியர் தடகள சாம்பியன்ஷிப்பில் அவர் பதிவு செய்த 10.45 வினாடிகளே முதலிடத்தில் உள்ளது. இதற்கு அடுத்தபடியாக 2026 இந்திய U-18 சாம்பியன்ஷிப்பில் 10.46 வினாடிகள், 2026 தேசிய ஜூனியர் சாம்பியன்ஷிப் அரைஇறுதியில் 10.51 வினாடிகள், 2026 இந்திய U-18 சாம்பியன்ஷிப் அரைஇறுதியில் 10.53 வினாடிகள் மற்றும் 2026 இந்திய தடகளத் தொடர் 8-ல் பதிவு செய்த 10.56 வினாடிகள் என அவர் தொடர்ச்சியாகச் சிறந்த நேரங்களை எட்டியுள்ளார்.

இந்த சீசனின் தொடக்கத்தில் காயத்திலிருந்து மீண்டு வந்த நீல், தொடர் பயிற்சியின் மூலம் தனது இலக்குகளை எட்டியுள்ளார். ஏப்ரல் மாதம் நடைபெற்ற ஜூனியர் ஃபெடரேஷன் கோப்பையில் 10.78 வினாடிகளாக இருந்த அவரது நேரம், ஜூன் மாதத்தில் 10.59 வினாடிகளாக மேம்பட்டது. பின்னர் இந்திய U-18 சாம்பியன்ஷிப்பில் 10.46 வினாடிகளாகவும், தற்போது தேசிய ஜூனியர் போட்டியில் 10.45 வினாடிகளாகவும் மேம்பட்டுள்ளது.

ஈஜீன் நகரில் நடைபெற்ற உலக தடகள U-20 சாம்பியன்ஷிப் போட்டியில் இந்தியாவின் சார்பில் ஆடவர் 4x100 மீட்டர் தொடர் ஓட்டப் பிரிவில் நீல் பங்கேற்றார். அதில் கடைசி சுற்றை ஓடிய அவர், இந்திய அணி 41.01 வினாடிகளில் இலக்கை எட்டி தகுதிச் சுற்றில் 6-வது இடம் பிடிக்க உதவினார். சர்வதேச அளவில் திறமையான வீரர்களுடன் போட்டியிட்ட இந்த அனுபவம், அவரது விளையாட்டு வாழ்க்கைக்கு முக்கிய மைல்கல்லாக அமைந்துள்ளது.

Also Read

IND vs NZ: 10 ஆயிரம் வாலா பட்டாசு.. தீபாவளியை முன்கூட்டியே அபிஷேக், சூர்யவன்ஷி கொண்டாடிட்டாங்க-ரமேஷ்

100 மீட்டர் மற்றும் 200 மீட்டர் என இரண்டிலும் தேசிய சாதனைகளையும், தனிப்பட்ட சிறந்த நேரங்களையும் பதிவு செய்துள்ள நீல் சாம்ராஜ், இந்திய ஜூனியர் தடகளப் பிரிவில் ஒரு நம்பிக்கைக்குரிய புதிய நட்சத்திரமாக உருவெடுத்துள்ளார்.