'சிங்கத் தலைவி' செரீனாவை வீழ்த்திய இவனோவிக்கை விரட்டியடித்த 'சின்னப் பொண்ணு' போச்சார்ட்!

சிங்கத்தை வீழ்த்திய இவனோவிக்

செரீனா வில்லியம்ஸ், 4வது சுற்றில் இவனோவிக்கிடம் தோற்றபோது அவரை விடவும் அவரது ரசிகர்கள்தான் பெரும் அதிர்ச்சியும், சோகமும் அடைந்தனர்.

போட்டுத் தாக்கிய போச்சார்ட்

ஆனால் காலிறுதிப் போட்டியில் இவனோவிக்கையே போட்டுத் தாக்கி விட்டார் போச்சார்ட். 19 வயதான இந்த கனடா இளம் வீராங்கனையின் படு சூடான ஆட்டத்துக்கு முன்பு இவனோவிக்கால் நிற்க முடியவில்லை.

புதுமுகம்.. ஆனாலும் செம ஆட்டம்

போச்சார்ட் ஒரு புதுமுக வீராங்கனைதான். ஆனால் அவரது ஆட்டம் ஆரம்பத்திலிருந்தே அமர்க்களமாக இருந்து வருகிறது. காலிறுதிப் போட்டியில் அவர் இவனோவிக்கை 5-7, 7-5, 6-2 என்ர செட் கணக்கில் வீழ்த்தி அரை இறுதிக்குள் நுழைந்தார். அரை இறுதியில் அவர் லி நாவை எதிர்கொள்கிறார்.

டாப் 20க்குள் என்ட்ரி

இந்தத் தொடரில் போச்சார்ட் வென்றால் அடுத்த வாரம் அறிவிக்கப்படவுள்ள மகளிருக்கான ரேங்கிங் வரிசையில் அவர் டாப் 20க்குள் நுழைவார் என்பது குறிப்பிடத்தக்கது.