ரியோ ஒலிம்பிக்ஸ்: வீனஸ், செரீனா வில்லியம்ஸ் சகோதரிகள் அதிர்ச்சி தோல்வி

வில்லியம்ஸ் சகோதரிகள்

வில்லியம்ஸ் சகோதரிகள் இணை இதுவரை ஒலிம்பிக் போட்டிகளில் 15 முறை தொடர்ச்சியாக வெற்றிபெற்று சாதனை செய்திருந்தனர். செரீனாவும், வீனஸும், 2000, 2008, 2012 ஆகிய ஆண்டுகளில் இரட்டையர் பிரிவில் ஜோடியாக ஆடி தங்கம் வென்றுள்ளனர்.

ரசிகர்கள் எதிர்பார்ப்பு

மகளிர் இரட்டையர் பிரிவில் நடப்புச் சாம்பியன் செரீனா சகோதரிகள்தான். ரியோ ஒலிம்பிக்கில் மகளிர் ஒற்றையர் போட்டியிலும், இரட்டையர் போட்டியிலும் இந்த சகோதரிகள் கலக்குவார்கள் என்று ரசிகர்கள் ஆவலுடன் எதிர்பார்த்தனர்.

சகோதரிகள் தோல்வி

இந்த முறையும் பதக்கத்தை தக்க வைப்பார்களா என்ற எதிர்பார்ப்பு இருந்த நிலையில் கட்ச் குடியரசு வீராங்கனைகளிடம் 6-3, 6-4 என்ற நேர் செட் கணக்கில் தோல்வியை தழுவினர். நம்பர் 1 இணை வீராங்கனைகளான வில்லியம்ஸ் சகோதரிகளை வீழ்த்தியதன் மூலம் கட்ச் வீராங்கனைகள் தங்கப் பதக்கத்தை வெல்வார்கள் என்று பெரிதும் எதிர்பார்க்கப்படுகிறது.

ஒற்றையர் பிரிவில் வீனஸ் வில்லியம்ஸ்

டென்னிஸ் ஒற்றையர் பிரிவில் முதல் சுற்றில் தரவரிசையில் 6வது இடத்தில் உள்ள அமெரிக்காவின் வீனஸ் வில்லியம்ஸ், தரவரிசையில் 62வது இடத்தில் உள்ள பெல்ஜியத்தின் கிரிஸ்டன் பிலிப்கென்சை எதிர்கொண்டார்.

அதிர்ச்சி தோல்வி

முதல் செட்டை 6-4 என்று கைப்பற்றிய வீனஸ், அடுத்து 3-6, 6-7 என இரண்டு செட்களையும் நழுவ விட்டார். முடிவில் வீனஸ் வில்லியம்ஸ் 6-4, 3-6, 6-7 என்ற செட் கணக்கில் தோல்வியடைந்தார். இந்த தோல்வி அமெரிக்க டென்னிஸ் ரசிகர்களிடையே அதிர்ச்சியை ஏற்படுத்தியது. இதன் மூலம் ஒற்றையர் பிரிவில் வீனஸ் வில்லியம்ஸ் பதக்கம் வெல்வார் என்ற கனவு தகர்ந்தது.