2 முறை சாம்பியன் வெஸ்ட் இண்டீஸ் நாக் அவுட் - அயர்லாந்து வெளுத்து வாங்கியது.. மாறும் வரலாறு

தடுமாற்றம்

இதனையடுத்து தொடக்க வீரராக களமிறங்கிய கையில் மெயர்ஸ் 1 ரன்னில் ஆட்டமிழக்க,சார்லஸ் 24 ரன்களிலும், எவன் லீவிஸ் 13 ரன்களிலும் அடுத்தடுத்து பெவிலியன் திரும்பினர். பெரிதும் எதிர்பார்க்கப்பட்ட கேப்டன் பூரான் 13 ரன்களிலும், அதிரடி வீரர் பொவேல் 6 ரன்களிலும் வெளியேற, வெஸ்ட் இண்டீஸ் அணி 112 ரன்களுக்கு 5 விக்கெட்டுகளை இழந்து தடுமாறியது.

கிங்கின் அதிரடி

இதனைத் தொடர்ந்து தனி ஆளாக நின்று போராடிய பிராண்டன் கிங், அதிரடியாக விளையாடி ரன்களை குவித்தார். 48 பந்துகளை எதிர்கொண்ட கிங் 62 ரன்களை விளாசினார். இதனையடுத்து ஒடியன் ஸ்மித் 2 இமாலய சிக்சர்களை விளாசி 19 ரன்கள் குவிக்க, வெஸ்ட் இண்டீஸ் அணி 5 விக்கெட் இழப்பிற்கு 146 ரன்கள் எடுத்தது.

அதிரடி தொடக்கம்

147 ரன்கள் எடுத்தால் வெற்றி என்ற இலக்குடன் களமிறங்கிய அயர்லாந்து அணி தொடக்கம் முதலே அதிரடியாக விளையாடி ரன்களை குவித்தது. கேப்டன் பால் ஸ்டிரிங், பால்பிரின் ஜோடி அதிடியாக விளையாடி முதல் விக்கெட்டுக்கு 73 ரன்கள் சேர்த்தது. கேப்டன் பால்பிரின் 37 ரன்கள் எடுக்க, பால் ஸ்டிரிங் கடைசி வரை ஆட்டமிழக்காமல் 48 பந்துகளில் 66 ரன்கள் குவித்தார்.

சூப்பா 12க்கு தகுதி

மறுபுறம் டக்கர் 35 பந்தில் 45 ரன்கள் எடுக்க அயர்லாந்து அணி 17.3 வது ஓவரில் ஒரு விக்கெட்டை மட்டுமே இழந்து வெற்றி இலக்கை கடந்தது. இதன் மூலம் அயர்லாந்து அணி 4 புள்ளிகள் பெற்று சூப்பர் 12 சுற்றுக்கு தகுதி பெற்றுள்ளது. இதனிடையே வெஸ்ட் இண்டீஸ் அணியில் ரஸில், சிம்ரன், உள்ளிட்ட முக்கிய வீரர்கள் இல்லாமல் களமிறங்கியது பெரும் பின்னடைவாக அந்த அணிக்கு அமைந்துள்ளது.