SA vs AUS: தோற்றாலும், நாங்கள் சிறந்த அணி தான்.. ஆஸி. அணியில் மாற்றம் வர போகிறது- கேப்டன் கம்மின்ஸ்

கேப் டவுன்: தென்னாப்பிரிக்காவுக்கு எதிரான டெஸ்ட் தொடரை 1-2 என்ற கணக்கில் ஆஸ்திரேலியா இழந்ததை தொடர்ந்து, அணியின் ஆடும் முறை மற்றும் வீரர்களின் தேர்வில் மாற்றங்கள் செய்யப்படலாம் என ஆஸ்திரேலிய கேப்டன் பேட் கம்மின்ஸ் தெரிவித்துள்ளார். இந்தத் தொடர் தோல்வியால் உலக டெஸ்ட் சாம்பியன்ஷிப் புள்ளி பட்டியலில் ஆஸ்திரேலிய அணி 3-வது இடத்திற்கு சரிந்துள்ளது.

கேப் டவுனில் நடைபெற்ற மூன்றாவது மற்றும் கடைசி டெஸ்ட் போட்டியின் ஐந்தாம் நாளில், 288 ரன்கள் எடுத்தால் வெற்றி என்ற இலக்குடன் களம் இறங்கிய ஆஸ்திரேலியா, வெறும் 111 ரன்களுக்கு ஆட்டமிழந்தது. இதனால் தென்னாப்பிரிக்க அணி 176 ரன்கள் வித்தியாசத்தில் அபார வெற்றி பெற்று தொடரை கைப்பற்றியது.

தென்னாப்பிரிக்க வேகப்பந்து வீச்சாளர் ககிசோ ரபாடா தொடக்கத்திலேயே விக்கெட்டுகளை வீழ்த்தி நெருக்கடி அளித்த நிலையில், சுழற்பந்து வீச்சாளர் சைமன் ஹார்மர் 16 ரன்கள் மட்டுமே விட்டுக்கொடுத்து 6 விக்கெட்டுகளைக் கைப்பற்றி அசத்தினார்.

" width="200" height="113">

WTC 2027 புள்ளி பட்டியல்: தென்னாப்பிரிக்கா எதிரான டெஸ்ட் தொடர் தோல்வி.. ஆஸ்திரேலிய அணி சரிவு

தோல்வி குறித்துப் பேசிய கேப்டன் பேட் கம்மின்ஸ், "நாங்கள் இன்னும் ஒரு சிறந்த அணிதான் என்பதில் சந்தேகமில்லை. சொந்த மண்ணில் முதலிடத்தில் இருக்கும் அணிக்கு எதிராக விளையாடியபோது ஒவ்வொரு போட்டியிலும் எங்களுக்கு வாய்ப்புகள் கிடைத்தன. மீண்டும் முதலிடத்தை பிடிக்க வேண்டும் என்றால் நாங்கள் மேலும் சிறப்பான ஆட்டத்தை வெளிப்படுத்த வேண்டும். இதற்காக அணியின் ஆடும் பாணியிலும், வீரர்களின் தேர்விலும் சில மாற்றங்கள் செய்யப்படலாம்" என்று கூறினார்.

இந்தத் தொடரில் ஆஸ்திரேலிய அணியின் முன்னணி பேட்ஸ்மேன் மார்னஸ் லபுஷேனின் தொடர் ஃபார்ம் பெரும் கவலையை ஏற்படுத்தியுள்ளது. பயிற்சிப் போட்டியில் 111 ரன்கள் அடித்த போதிலும், இந்த டெஸ்ட் தொடரின் 6 இன்னிங்ஸ்களில் அவர் 37, 37, 14, 39, 0 மற்றும் 4 ரன்கள் மட்டுமே எடுத்தார். நியூலேண்ட்ஸ் டெஸ்டில் இரு இன்னிங்ஸ்களிலும் சொற்ப ரன்களில் ஆட்டமிழந்ததால், அவர் அணியிலிருந்து நீக்கப்படும் அபாயத்தைச் சந்தித்துள்ளார்.

Also Read

AUS vs SA: தென்னாப்பிரிக்கா வரலாற்று சாதனை.. 3வது டெஸ்ட்டில் ஆஸ்திரேலியாவை வீழ்த்தி தொடரை வென்றது

தற்போது உலக டெஸ்ட் சாம்பியன்ஷிப் புள்ளிகள் பட்டியலில் நியூசிலாந்து மற்றும் தென்னாப்பிரிக்க அணிகள் முதல் இரண்டு இடங்களில் உள்ளன. இந்தத் தொடரின் தோல்வியால் ஆஸ்திரேலியா மூன்றாவது இடத்திற்குத் தள்ளப்பட்டுள்ளதுடன், தொடர்ந்து மூன்றாவது முறையாக WTC இறுதிப்போட்டிக்கு முன்னேறும் வாய்ப்பிலும் பின்னடைவைச் சந்தித்துள்ளது.