IND vs NZ: வைபவ் இல்லை.. இந்திய அணியில் இந்த 2 வீரருக்கு வாய்ப்பு.. 5வது டி20 பிளேயிங் லெவன் என்ன?

ஹாமில்டன்: நியூசிலாந்துக்கு எதிரான ஐந்தாவது மற்றும் கடைசி டி20 போட்டியில் இந்தியா நாளை ஹாமில்டனில் களமிறங்குகிறது. இந்த போட்டிக்கான இந்திய அணியின் பிளேயிங் லெவனில் குல்தீப் யாதவ் மற்றும் வைபவ் சூர்யவன்ஷி ஆகியோருக்கு வாய்ப்பு கிடைக்கலாம் என எதிர்பார்க்கப்படுகிறது.

உலகின் முன்னணி டி20 சுழற்பந்து வீச்சாளர்களான வருண் சக்ரவர்த்தி மற்றும் குல்தீப் யாதவ் ஆகியோர் இந்த தொடரின் முதல் நான்கு போட்டிகளிலும் விளையாடும் வாய்ப்பைப் பெறவில்லை. இந்திய அணி ஏற்கனவே தொடரை கைப்பற்றிவிட்டதால், கடைசி போட்டியில் இவர்களுக்கு வாய்ப்பளிக்கும் வகையில் பிளேயிங் லெவனில் சேர்க்கப்படலாம்.

இவர்களுடன் ஷிவம் துபே மற்றும் புவனேஷ்வர் குமார் ஆகியோரும் களமிறங்க வாய்ப்புள்ளது. நான்காவது போட்டியில் நிதிஷ் குமார் ரெட்டி ஒரே ஓவரில் 32 ரன்களை விட்டுக்கொடுத்தார். மேலும் 260 ரன்கள் இலக்கை சேஸ் செய்யும்போது பேட்டிங்கிலும் 10 பந்துகளில் 21 ரன்கள் மட்டுமே எடுத்தார். இதனால் அவருக்குப் பதிலாக ஷிவம் துபே சேர்க்கப்படலாம்.

IND vs NZ: இந்தியா தோல்வியை பற்றி கவலைப்பட தேவையில்லை.. இந்த 2 வீரர் சேர்த்திருக்கனும்- கார்த்திக்

மறுபுறம், புவனேஷ்வர் குமார் முதல் மூன்று போட்டிகளில் விளையாடி ஒரு விக்கெட் மட்டுமே எடுத்ததால் நான்காவது போட்டியில் நீக்கப்பட்டார். தொடரின் முடிவு ஏற்கனவே தீர்மானிக்கப்பட்டுவிட்டதால், அவருக்கு மீண்டும் ஒரு வாய்ப்பு வழங்கப்படலாம்.

பீகாரைச் சேர்ந்த 15 வயதான இளம் பேட்டர் வைபவ் சூர்யவன்ஷி, மூன்றாவது போட்டியில் சிறப்பான ஆட்டத்தை வெளிப்படுத்தியபோதிலும் நான்காவது போட்டியில் சேர்க்கப்படவில்லை. ஐந்தாவது போட்டியில் அபிஷேக் சர்மா, சஞ்சு சாம்சன் அல்லது இஷான் கிஷன் ஆகியோரில் ஒருவருக்கு பதிலாக இவர் களமிறக்கப்படலாம்.

Also Read

IND A vs NZ A: 2வது டெஸ்டில் துருவ் ஜூரல் அபாரம்.. 99 ரன்களுடன் களத்தில் இருக்கிறார்

இந்திய அணி பிளேயிங் லெவன்: அபிஷேக் சர்மா, சஞ்சு சாம்சன் , வைபவ் சூரியவன்ஷி, ;!ஸ்ரேயாஸ் ஐயர், திலக் வர்மா, சிவம் துபே, நமன் திர், புவனேஷ்வர் குமார், குல்தீப் யாதவ், மயங்க் யாதவ், வருண் சக்கரவர்த்தி.