ஆஸ்திரேலிய வேகப்பந்துவீச்சாளருக்கு 2 போட்டிகளில் விளையாட தடை.. காரணம் என்ன?

மெல்போர்ன்: மருத்துவ விதிமுறைகளை மீறியதற்காக, ஆஸ்திரேலிய மகளிர் கிரிக்கெட் அணியின் வேகப்பந்து வீச்சாளர் மேகன் ஷட்டுக்கு இரண்டு போட்டிகளில் விளையாட அந்நாட்டு கிரிக்கெட் வாரியம் தடை விதித்துள்ளது. இந்தத் தடை சர்வதேச மற்றும் உள்ளூர் கிரிக்கெட் போட்டிகள் இரண்டிற்கும் பொருந்தும்.

இந்தத் தடையின் காரணமாக, நியூசிலாந்துக்கு எதிரான மூன்றாவது மற்றும் கடைசி டி20 போட்டியில் மேகன் ஷட் பங்கேற்க முடியாது. மேலும், அக்டோபர் 31 அன்று மெல்போர்ன் ஸ்டார்ஸ் அணிக்கு எதிராக நடைபெறவுள்ள அடிலெய்ட் ஸ்டிரைக்கர்ஸ் அணியின் WBBL 12 தொடரின் தொடக்கப் போட்டியிலும் அவர் விளையாடும் வாய்ப்பை இழக்கிறார்.

விளையாட்டு அறிவியல் மற்றும் விளையாட்டு மருத்துவ வழிகாட்டுதல்களின் கீழ் உள்ள விதிகளை மேகன் ஷட் பின்பற்றத் தவறியதால் இந்த நடவடிக்கை எடுக்கப்பட்டுள்ளதாக கிரிக்கெட் ஆஸ்திரேலியா தெரிவித்துள்ளது. மேலும், இந்த விதிமீறல் போட்டி இல்லாத நேரத்தில் நடந்த ஒரு தனிப்பட்ட சம்பவம் என்றும், இது செயல்திறனை அதிகரிக்கும் நோக்கம் கொண்டது அல்ல என்றும் வாரியம் தெளிவுபடுத்தியுள்ளது.

IND vs NZ: முதல் டி20யில் தமிழக வீரருக்கு வாய்ப்பில்லை.. பேட்டிங்கை பலப்படுத்த இந்தியா எடுத்த முடிவு

33 வயதான மேகன் ஷட் தனது தவறை ஒப்புக்கொண்டு தண்டனையை ஏற்றுக்கொண்டார். இது குறித்துப் பேசிய அவர், "எனக்கு விதிக்கப்பட்ட தண்டனையை நான் முழுமையாக ஏற்றுக்கொள்கிறேன். என் மீது எதிர்பார்க்கப்பட்டதை பராமரிக்கத் தவறியதற்கு மன்னிப்பு கேட்டுக்கொள்கிறேன்.

Also Read

IND vs NZ டி20 தொடரில் பயன்படுத்தப்படும் சானிக் தொழில்நுட்பம்.. இனி யாரும் ஏமாற்ற முடியாது

விளையாட்டு அறிவியல் மற்றும் மருத்துவ வழிகாட்டுதல்களைப் பின்பற்றுவது எனது பொறுப்பு என்பதை உணர்கிறேன்," என்று தெரிவித்துள்ளார்.சமீபத்தில் வங்கதேச அணிக்கு எதிரான ஒருநாள் தொடரில் 7.1 என்ற சராசரியில் 10 விக்கெட்டுகளை வீழ்த்தி மேகன் ஷட் தொடர் நாயகி விருதை வென்றிருந்தார் என்பது குறிப்பிடத்தக்கது.