இன்ஸ்டா சேட்டைகள்
ஆஸ்திரேலிய வீரர் டேவிட் வார்னர் கடந்தாண்டு கொரோனா ஊரடங்கின் போது இன்ஸ்டாகிராம் பதிவுகளால் இந்தியர்களின் மனதை வென்றார். இந்திய திரைப்படங்களின் சீன்களையும், பாடல்களையும் அவர் இன்ஸ்டா ரீல்களாக செய்து பதிவிட்டு வந்தது ரசிகர்கள் பலரையும் கவர்ந்தது. சமீபத்தில் நடந்த ஐபிஎல் தொடரால் அவரின் குறும்பு வீடியோக்களை ரசிகர்கள் மிஸ் செய்தனர்.
ராமுலோ ராமுலா
ஐபிஎல் முடிந்துவிட்டதால் தற்போது மீண்டும் தனது சேட்டையை தொடங்கி விட்டார். கடந்த 19ம் தேதி தனுஷ் நடிப்பில் வெளியான ரவுடி பேபி பாடலுக்கு ரீல் செய்து வெளியிட்டது வைரலானது. இந்நிலையில் இன்று தெலுங்கு சினிமாவுக்கு தாவி உள்ளார். இந்த முறை அவர் அல்லு அர்ஜுன் நடிப்பில் வெளியான 'ராமுலோ ராமுலா' பாடலுக்கு ரீல்ஸ் செய்து வீடியோ வெளியிட்டுள்ளார்.
மனைவியே கிண்டல்
இதனை ரசிகர்கள் கொண்டாடி வரும் நிலையில் வார்னரின் மனைவி மட்டும் இன்ஸ்டாவில் வெளிப்படையாக கிண்டலடித்துள்ளார். வார்னரின் வீடியோவுக்கு கீழ் கமெண்ட் செய்துள்ள கேண்டிஸ் வார்னர், குவாரண்டை நாட்களில் உங்களுக்கு பொழுது போகவில்லையா வார்னர்? என சிரிப்பு எமோஜிகளை பதிவிட்டுளார். இதற்கு பதிலளித்துள்ள வார்னர், உனது கஷ்டம் தற்போது தான் எனக்கு புரிகிறது என தெரிவித்துள்ளார்.
ஃபுல் ஃபார்மில் வார்னர்
டேவிட் வார்னர் உள்ளிட்ட ஆஸ்திரேலிய வீரர்கள் மே 16ம் தேதி மாலத்தீவில் இருந்து ஆஸ்திரேலியா சென்றனர். அங்கு சிட்னியில் உள்ள ஒரு ஹோட்டலில் அனைவரும் 14 நாட்கள் தனிமைப்படுத்தப்பட்டுள்ளனர். எனவே இன்னும் சில நாட்களுக்கு வார்னரின் சேட்டைகளுக்கு பஞ்சம் இருக்காது என எதிர்பார்க்கப்படுகிறது.