தெலுங்கில் லவ் பிரபோசல்.. இன்ஸ்டாவில் அடங்காத டேவிட் வார்னர்... டஃப் கொடுக்கும் மனைவி - புகைப்படம்

வார்னரின் இன்ஸ்ட சேட்டை

ஆஸ்திரேலிய வீரர் டேவிட் வார்னர் கடந்தாண்டு கொரோனா ஊரடங்கின் போது இன்ஸ்டாகிராமில் வெளியிட்டு வந்த டிக்டாக் வீடியோக்களால் இந்தியர்களின் மனதை வென்றார். இந்திய திரைப்படங்களின் காட்சிகளையும், பாடல்களையும் அவர் குடும்பத்துடன் இன்ஸ்டா ரீல்களாக செய்து பதிவிட்டு வந்தது ரசிகர்கள் பலரையும் கவர்ந்தது. ஐபிஎல் தொடரில் அவர் பங்கேற்றிருந்ததால் அவரின் இன்ஸ்டா வீடியோக்களை ரசிகர்கள் மிஸ் செய்தனர்.

ராமுலோ ராமுலா

ஐபிஎல் முடிந்துவிட்டதால் தற்போது மீண்டும் தனது சேட்டையை தொடங்கி விட்டார். சமீபத்தில் தனுஷின் ரவுடி பேபி பாடலுக்கு ரீல்ஸ் செய்திருந்த அவர், அடுத்ததாக ராமுலோ ராமுலா பாடலுக்கு வீடியோ செய்தார். இந்நிலையில் தற்போது தெலுங்கு ஹீரோவாகவே வார்னர் மாறிவிட்டார். டேவிட் வார்னர் அவரது மனைவியை திருமண உடையில் தூக்கி நிற்பது போல அனிமேஷன் புகைப்படத்தை வெளியிட்டுள்ளார். மேலும் அதில் " நான் நின்னே பிரேமிஸ்துனானு' என தெலுங்கில் காதலை வெளிப்படுத்தியுள்ளார்.

மனைவியே கிண்டல்

இதனை ரசிகர்கள் கொண்டாடி வரும் நிலையில் வார்னரின் மனைவியும் ரியாக்ட் செய்துள்ளார். வார்னரின் பதிவுக்கு கீழ் கமெண்ட் செய்துள்ள கேண்டிஸ் வார்னர், இதயங்களை அள்ளி வீசியுள்ளார். வார்னருக்கும் அவரது மனைவிக்கும் 3 பெண் குழந்தைகள் உள்ளனர்.

ஃபுல் ஃபார்மில் வார்னர்

டேவிட் வார்னர் உள்ளிட்ட ஆஸ்திரேலிய வீரர்கள் மே 16ம் தேதி மாலத்தீவில் இருந்து ஆஸ்திரேலியா சென்றனர். அங்கு சிட்னியில் உள்ள ஒரு ஹோட்டலில் அனைவரும் 14 நாட்கள் தனிமைப்படுத்தப்பட்டுள்ளனர். எனவே குவாரண்டை காலம் முடிவடையாததால் இன்னும் சில நாட்களுக்கு வார்னரின் சேட்டைகளுக்கு பஞ்சம் இருக்காது என எதிர்பார்க்கப்படுகிறது.