IND vs NZ: பேட்டர்களை பற்றி பேசாதீங்க.. பவுலர்களை பாராட்ட செய்யுங்கள்.. கம்பீர் ஆவேசம்

ஆக்லாந்து: வெளிநாட்டு டெஸ்ட் மற்றும் ஒருநாள் தொடர்களில் இந்திய அணி சிறப்பாக செயல்பட்டால் அதற்கு பந்துவீச்சாளர்களுக்கே உரிய அங்கீகாரம் வழங்கப்பட வேண்டும் என்றும், பேட்டர்களை பற்றியே அதிகம் பேசுவதை தவிர்க்க வேண்டும் என்றும் இந்திய கிரிக்கெட் ரசிகர்களுக்கு கெளதம் கம்பீர் வேண்டுகோள் விடுத்துள்ளார்.

நியூசிலாந்துக்கு எதிரான டி20 தொடரை கைப்பற்றியதை தொடர்ந்து, இந்திய அணி 5 போட்டிகள் கொண்ட ஒருநாள் தொடரில் விளையாடவுள்ளது. இத்தொடருக்கான இந்திய பந்துவீச்சுப் படையில் அனுபவம் குறைவாக உள்ளது குறித்துப் பேசிய கம்பீர், "ஒருநாள் கிரிக்கெட்டில் இதுவே மிகவும் அனுபவமில்லாத பந்துவீச்சுப் படையாக இருக்கலாம். பேட்டிங்கில் நமக்கு அதிக அனுபவம் உள்ளது."

"ஆனால் வெளிநாட்டுச் சுற்றுப்பயணங்களின் போது, குறிப்பாக ஒருநாள் மற்றும் டெஸ்ட் கிரிக்கெட்டில் பந்துவீச்சாளர்கள்தான் தொடர்களை வென்று தருகிறார்கள். எனவே, இனிவரும் காலங்களில் ஒருநாள் கிரிக்கெட்டில் நாம் சிறப்பாகச் செயல்பட்டால், பேட்டர்களைப் பற்றி மட்டுமே பேசாமல், இந்த பந்துவீச்சாளர்களுக்கு அதிக அங்கீகாரம் வழங்கப்பட வேண்டும்" என்று தெரிவித்தார்.

IND vs NZ: அபிஷேக் சர்மாவை கேப்டனாக நியமனம் செய்யுங்கள்.. தோல்விக்கு பிறகு பிரபல வீரர் கருத்து

நவம்பர் 4 அன்று தொடங்கும் இந்த ஒருநாள் தொடரில், முதல் மூன்று போட்டிகள் மற்றும் கடைசி இரண்டு போட்டிகளுக்கு என இரு மாறுபட்ட அணிகள் விளையாடவுள்ளன. சுப்மன் கில் மற்றும் சில டெஸ்ட் போட்டிக்கான முக்கிய வீரர்கள் சிவப்புப் பந்து பயிற்சிக்காக முன்னதாகவே அணியை விட்டு புறப்படவுள்ளனர்.

தற்போதைய அணியில் ஜஸ்பிரித் பும்ராவுக்கு ஓய்வு அளிக்கப்பட்டுள்ளதுடன், பிரசித் கிருஷ்ணா காயமடைந்துள்ளார். இதனால் 2023 உலகக்கோப்பை அணியில் இடம்பெற்றிருந்த முகமது சிராஜ் மற்றும் குல்தீப் யாதவ் மட்டுமே பந்துவீச்சு வரிசையில் அனுபவமிக்கவர்களாக உள்ளனர்.

Also Read

IND vs NZ: சஞ்சு சாம்சனை விமர்சித்த நெட்டிசன்.. பங்கமாக கலாய்த்த அஸ்வின்

அனுபவமற்ற பந்துவீச்சுப் படையைக் கொண்டு டி20 தொடரில் சிறப்பாகச் செயல்பட்ட கேப்டன் ஸ்ரேயாஸ் ஐயருக்கு கம்பீர் பாராட்டு தெரிவித்தார். "அனுபவமில்லாத பந்துவீச்சு வரிசையைக் வைத்துக்கொண்டு ஸ்ரேயாஸ் மிகச் சிறந்த முறையில் செயல்பட்டுள்ளார். ஒரு கேப்டனாக, உங்களது பந்துவீச்சாளர்கள் அல்லது பேட்டர்கள் எவ்வாறு செயல்படுகிறார்கள் என்பதைப் பொறுத்தே உங்களது வெற்றியும் தீர்மானிக்கப்படுகிறது. குறிப்பாக அனுபவமற்ற பந்துவீச்சுத் தாக்குதலை வைத்துக்கொண்டு அவர் சிறப்பாகப் பணியாற்றியுள்ளார்" என்று கம்பீர் கூறினார்.