IND vs NZ: இந்த 31 வயது வீரர் இந்திய ஒருநாள் அணியில் கண்டிப்பாக விளையாடனும்.. ரஹானே கருத்து

மும்பை: இந்தியா மற்றும் நியூசிலாந்து அணிகளுக்கு இடையிலான ஐந்து போட்டிகள் கொண்ட ஒருநாள் தொடரின் முதல் போட்டி ஆக்லாந்தில் நடைபெறவுள்ளது. இந்திய ஒருநாள் அணியில் ஒரே சுழற்பந்து வீச்சாளராக குல்தீப் யாதவ் மட்டுமே இடம்பெற்றுள்ள நிலையில், அக்ஷர் படேல் மற்றும் நமன் தீர் ஆகியோர் சுழற்பந்து வீச்சு ஆல்ரவுண்டர்களாக சேர்க்கப்பட்டுள்ளனர்.

இந்த தொடர் குறித்து பேசிய ரஹானே, டி20 தொடர் முழுவதிலும் விளையாடாத குல்தீப் யாதவுக்கு ஒருநாள் தொடரில் வாய்ப்பு கிடைக்க வேண்டும் எனக் கூறினார். "இந்திய அணி இரண்டு சுழற்பந்து வீச்சாளர்களுடன் களமிறங்கக் கூடும். அக்ஷர் படேல் ஒரு ஆல்ரவுண்டர் என்பதாலும் பேட்டிங் செய்ய முடியும் என்பதாலும் அவர் நிச்சயம் விளையாடுவார்."

"ஒருநாள் தொடரில் குல்தீப் யாதவுக்கு வாய்ப்பு கிடைக்க வேண்டும் என்று நான் விரும்புகிறேன். அவர் விக்கெட்டுகளைக் கைப்பற்றும் திறன் கொண்டவர். டி20 போட்டியிலும் அவரை பார்க்க விரும்பினேன், ஆனால் அவரால் விளையாட முடியவில்லை," என்று அவர் கூறினார்.

IND vs NZ: டி20 தொடரில் இந்தியா 4-1 என தோற்றிருக்க வேண்டும்.. உண்மையை மூடி மறைக்காதீங்க- அஸ்வின் தாக்கு

"ஒருநாள் போட்டிகளில் இந்திய அணி இரண்டு சுழற்பந்து வீச்சாளர்களுடன் செல்லும் என்று நான் நம்புகிறேன். நிதிஷ் குமார் ரெட்டி ஒரு போட்டியில் மட்டுமே விளையாடுவதால், அணி சேர்க்கையை சரியான முறையில் அமைக்க வேண்டும். அதுவே முதல் போட்டி என்பதால், அங்கு குல்தீப் யாதவை முயற்சித்து பார்க்கலாம்," என்று ரஹானே தெரிவித்தார். குல்தீப் யாதவ் 121 ஒருநாள் இன்னிங்ஸ்களில் 5.08 எகனாமி ரேட்டில் 201 விக்கெட்டுகளை வீழ்த்தியுள்ளார். நியூசிலாந்தில் அவர் விளையாடிய 5 ஒருநாள் இன்னிங்ஸ்களில் 5.35 எகனாமி ரேட்டில் 10 விக்கெட்டுகளை கைப்பற்றியுள்ளார்.

"பிரசித் கிருஷ்ணா சமீபத்தில் டெஸ்ட் அல்லது ஒருநாள் போட்டிகளில் தனக்குக் கிடைத்த வாய்ப்புகளில் சிறப்பாகச் செயல்பட்டுள்ளார். இதனால் அவர் காயத்தால் விலகுவது துரதிர்ஷ்டவசமானது. இருப்பினும், ஒருவர் காயமடைந்தால் மற்றொருவருக்கு வாய்ப்பு கிடைக்கிறது. அந்த வகையில் இது ஆக்கிப் நபிக்கு ஒரு நல்ல வாய்ப்பு. இந்த சூழ்நிலைகள் அவருக்கு சாதகமாக இருக்கக்கூடும்," என்று அவர் கூறினார்.

"நியூசிலாந்தில் ஸ்விங் மற்றும் சீம் மூவ்மென்ட்டைப் பார்க்க முடியும். ஆக்கிப் நபி துல்லியமான இடங்களில் தொடர்ச்சியாக பந்துவீசக்கூடிய ஒரு சீம் பந்துவீச்சாளர். அவருடன் முகமது சிராஜ் மற்றும் அர்ஷ்தீப் சிங் ஆகியோர் அனுபவம் வாய்ந்தவர்கள். குர்னூர் பிரார் சமீபத்தில் அணியில் சேர்ந்துள்ளார், அன்ஷுல் கம்போஜும் வாய்ப்புகளைப் பெற்று வருகிறார். இந்த நால்வருக்கும் சிறப்பாகச் செயல்பட நல்ல வாய்ப்பு உள்ளது," என ரஹானே குறிப்பிட்டார்.

Also Read

IND A vs NZ A: ஜெய்ஸ்வால் அபார சதம்..2வது அதிகாரப்பூர்வமற்ற டெஸ்ட் போட்டியிலும் இந்தியா ரன் குவிப்பு

மேலும், வேகப்பந்து வீச்சின் பொறுப்பை முகமது சிராஜ் மற்றும் அர்ஷ்தீப் சிங் ஆகியோர் பொறுப்புகளை ஏற்றுக்கொள்ள வேண்டும் என்றும் ரஹானே சுட்டிக்காட்டினார். இந்த ஜோடி அனுபவம் வாய்ந்தது என்றும், அனைத்து சூழ்நிலைகளிலும் எவ்வாறு பந்துவீசுவது என்பதை நன்கு அறிந்தவர்கள் என்றும் அவர் வலியுறுத்தினார்.