IND vs NZ: அடுத்த 10 ஆண்டுகளில் இந்தியாவின் சிறந்த ஆல்ரவுண்டராக இவர் உருவெடுப்பார்- இர்பான் பதான்

மும்பை: அடுத்த 10 ஆண்டுகளில் இந்தியாவின் சிறந்த கிரிக்கெட் ஆல்ரவுண்டராக உருவெடுக்கும் திறமை 23 வயதான நிதிஷ் குமார் ரெட்டிக்கு உள்ளது என்று முன்னாள் இந்திய வீரர் இர்பான் பதான் தெரிவித்துள்ளார். கிரைஸ்ட்சர்ச்சில் நியூசிலாந்துக்கு எதிராக நடைபெற்ற இரண்டாவது டி20 போட்டியில் இந்திய அணி வெற்றி பெற்றதைத் தொடர்ந்து அவர் இவ்வாறு கூறினார்.

இப்போட்டியில் முதலில் பேட்டிங் செய்த நியூசிலாந்து அணி 180/5 ரன்கள் எடுத்தது. பந்துவீச்சில் நிதிஷ் குமார் ரெட்டி 3 ஓவர்களில் 31 ரன்கள் விட்டுக்கொடுத்து 1 விக்கெட்டைக் கைப்பற்றினார். பின்னர் 8-வது வீரராகக் களமிறங்கிய அவர், 13 பந்துகளில் 1 பவுண்டரி, 1 சிக்ஸருடன் ஆட்டமிழக்காமல் 26 ரன்கள் எடுத்தார்.

மேலும், திலக் வர்மாவுடன் இணைந்து 30 பந்துகளில் ஆட்டமிழக்காமல் 69 ரன்கள் பார்ட்னர்ஷிப் அமைத்து, கடைசி பந்து மீதமிருக்க இந்திய அணி 4 விக்கெட் வித்தியாசத்தில் வெற்றி பெற உறுதுணையாக இருந்தார்.

IND vs NZ: என்னால் நம்ப முடியல.. நியூசிலாந்திடம் வெற்றியை இந்திய வீரர்கள் பறித்துவிட்டனர்- தினேஷ் கார்த்திக்

தனது யூடியூப் சேனலில் வெளியிட்டுள்ள வீடியோவில் பேசிய இர்பான் பதான், அழுத்தமான சூழ்நிலையிலும் நிதிஷ் காட்டிய நிதானம் இந்திய அணி நிர்வாகத்திற்கு அவர் மீது பெரும் நம்பிக்கையை ஏற்படுத்தும் என்றார். நிதிஷ் குமார் ரெட்டி உடற்தகுதியுடன் இருக்கும் பட்சத்தில், வரும் 10 ஆண்டுகளில் இந்தியாவின் மிகச்சிறந்த வெள்ளைப்பந்து ஆல்ரவுண்டராக வர முடியும் என்பதில் எனக்கு எந்த சந்தேகமும் இல்லை என்று அவர் குறிப்பிட்டார்.

"ஆஸ்திரேலியாவில் உள்ள மெல்போர்ன் கிரிக்கெட் மைதானத்தில் சென்று சதமடித்த ஆசிய ஆல்ரவுண்டர்கள் எத்தனை பேர் உள்ளனர்? நிதிஷ் குமார் ரெட்டி அதைச் சாதித்துள்ளார். அவர்களிடம் திறமையும் தகுதியும் உள்ளது, தற்போதைய கடினமான சூழ்நிலைகளிலும் அதைச் சிறப்பான செயல்பாடாக மாற்றி வருகிறார்" என்றும் இர்பான் பதான் புகழாரம் சூட்டினார்.

Also Read

IND vs NZ: திலக் வர்மா தான் இந்திய அணியின் அடுத்த கேப்டன்.. அடித்து சொன்ன இர்பான் பதான்

நிதிஷ் குமார் ரெட்டியின் பந்துவீச்சு குறித்து பேசிய இர்பான் பதான், ஸ்லோவர் பந்துகள் மற்றும் பவுன்சர்களை அவர் திறம்படப் பயன்படுத்துவதைச் சுட்டிக்காட்டினார். கடைசி ஓவர்களில் பந்துவீச வாய்ப்பு கிடைத்தபோதும் அவர் சிறப்பாகச் செயல்பட்டு அணிக்கு நம்பிக்கையளித்துள்ளார் என்று தெரிவித்தார். நிதிஷ் குமார் ரெட்டி அடுத்து செவ்வாய்க்கிழமை அன்று வெலிங்டனில் நடைபெறவுள்ள மூன்றாவது டி20 போட்டியில் களம் காணவுள்ளார்.