IND vs NZ ஒருநாள் தொடர்.. இந்திய அணியில் 23 வயது வீரருக்கு அறிமுகமாக வாய்ப்பு.. தேர்வுக்குழு தீவிரம்

நியூசிலாந்திற்கு எதிரான ஐந்து போட்டிகள் கொண்ட ஒருநாள் தொடருக்கான இந்திய அணியில், மும்பையைச் சேர்ந்த ஆல்ரவுண்டர் சூரியான்ஷ் ஷெட்ஜே முதன்முறையாகத் தேர்ந்தெடுக்கப்பட அதிக வாய்ப்புள்ளதாகத் தகவல்கள் வெளியாகியுள்ளன. இதுவரை இந்திய அணிக்காக மூன்று டி20 போட்டிகளில் விளையாடியுள்ள இவர், ஒருநாள் கிரிக்கெட் அணியில் இடம்பெறவுள்ளது இதுவே முதல்முறையாகும்.

சமீபத்தில் புதுச்சேரியில் ஆஸ்திரேலியா ஏ அணிக்கு எதிராக நடைபெற்ற மூன்று போட்டிகள் கொண்ட தொடரில், இந்தியா ஏ அணிக்காக சூரியான்ஷ் ஷெட்ஜே விளையாடினார். இத்தொடரின் முதல் போட்டியில் நான்கு விக்கெட்டுகளை வீழ்த்திய அவர், மூன்றாவது போட்டியில் அரைசதமடித்து அணியின் ஆறுதல் வெற்றிக்கு உதவினார். இந்த ஆல்ரவுண்ட் ஆட்டம் தேர்வுக்குழுவின் கவனத்தை அவர் பக்கம் ஈர்த்துள்ளது.

வரவிருக்கும் டெஸ்ட் தொடருக்குத் தயாராகும் வகையில், ஆல்ரவுண்டர் நிதிஷ் குமார் ரெட்டி நியூசிலாந்துக்கு எதிரான ஐந்து ஒருநாள் போட்டிகளிலும் விளையாட மாட்டார் என்று கூறப்படுகிறது. ரெட்டியைப் போலவே மிஷின் வேகப்பந்து வீசி, நடுவரிசையில் பேட்டிங் செய்யும் திறன் கொண்ட சூரியான்ஷ் ஷெட்ஜேவுக்கு இது ஒரு சிறந்த வாய்ப்பாக அமைந்துள்ளது.

ஐசிசி டி20 தரவரிசை.. ஸ்ரேயாஸ் ஐயர் கிடுகிடு உயர்வு.. முதல் 4 இடங்களில் 3 இந்தியர்கள்

இது குறித்து பிசிசிஐ வட்டாரம் தெரிவிக்கையில், "டெஸ்ட் தொடரில் நான்காவது வேகப்பந்து வீச்சாளராகவும், கீழ் வரிசையில் பேட்டிங் செய்யும் வீரராகவும் நிதிஷ் குமார் ரெட்டி முக்கியப் பங்காற்ற வேண்டியுள்ளது. இதனால் சிவப்பு பந்து போட்டிகளுக்குத் தயாராகும் பொருட்டு அவர் அனைத்து ஒருநாள் போட்டிகளிலும் விளையாட மாட்டார். இதன் காரணமாக ஷெட்ஜே ஒருநாள் அணியில் இடம்பெற பிரகாசமான வாய்ப்புள்ளது" என்று தெரிவிக்கப்பட்டுள்ளது.

இந்தியா மற்றும் நியூசிலாந்து அணிகளுக்கு இடையிலான ஐந்து போட்டிகள் கொண்ட ஒருநாள் தொடர் நவம்பர் 4-ஆம் தேதி ஆக்லாந்தில் தொடங்குகிறது. ஐந்தாவது ஒருநாள் போட்டி நவம்பர் 15 அன்று தௌரங்காவில் நடைபெற உள்ளது. அதனைத் தொடர்ந்து முதலாவது டெஸ்ட் போட்டி நவம்பர் 19 அன்று வெலிங்டனில் தொடங்குகிறது.

நவம்பர் 16 இந்திய அணியின் பயண நாளாக அமையும் என்பதால், டெஸ்ட் போட்டியில் விளையாடும் வீரர்களுக்குப் பயிற்சி பெற நவம்பர் 17 மற்றும் 18 ஆகிய இரண்டு நாட்கள் மட்டுமே கிடைக்கும். எனவே, டெஸ்ட் வீரர்களுக்கு போதிய ஓய்வு அளிக்கும் வகையில் ஒருநாள் தொடருக்குக் கூடுதல் வீரர்களைக் கொண்ட அணியைத் தேர்வுக்குழு அறிவிக்கக்கூடும்.

Also Read

IND vs WI: கம்பீர் திட்டத்தை வெளியே போட்டு உடைத்த திலக் வர்மா.. 4வது டி20க்கு முன் காமெடி

ஹர்திக் பாண்டியா தொடர் காயங்கள் காரணமாகத் தொடர்ந்து விளையாட முடியாமல் தவித்து வரும் நிலையில், அவருக்கு மாற்றாகச் சிறந்த ஆல்ரவுண்டர்களை இந்திய அணி நிர்வாகம் தேடி வருகிறது. தற்காலிகத் தேர்வுக்குழுத் தலைவர் பிரக்யான் ஓஜா தலைமையிலான குழு, ஷெட்ஜேவின் பந்துவீச்சுத் திறனைக் கருத்தில் கொண்டு அவரை அணியில் சேர்க்க பரிசீலித்து வருகிறது. தற்போதைய சூழலில், இந்திய கிரிக்கெட்டில் இது போன்ற திறமையான ஆல்ரவுண்டர்கள் குறைவாகவே இருப்பதால், ஷெட்ஜேவுக்கு இந்திய ஒருநாள் அணியில் வாய்ப்பு கிடைக்க உள்ளன.